البحث

‏إظهار الرسائل ذات التسميات سيد حجاب. إظهار كافة الرسائل
‏إظهار الرسائل ذات التسميات سيد حجاب. إظهار كافة الرسائل

ما بلاش - على الحجار /اشعار/ سيد حجاب


هنزود ليه في جروحنا بحاجات ما بنقصدهاش
ما بلاش نتعب بعضينا خلينا نعيش ليالينا
واما الأيام تدينا فرحة ما نضيعهاش
ما لناش غير بعض يا روحي عن بعض ما نستغناش
طب ليه تبعدي وتروحي لبلاد ما بنعرفهاش
بتقولي هترجعي تاني ويروق وياكي زماني
ليه نتعلق بأماني يمكن ما نحققهاش
ما بقاش فيه حاجة تساوي نبعد عن بعض كتير
لا انا غاوي دموع ولا غاوي سهد وحيرة وتفكير
خليكي هنا وخلينا نكبر سوا مع بعضينا
دا حنا ان بعدت أراضينا الشوق ما بيرحمناش
ما فيناش فرقة استكفينا الأيام ما بتستناش
دي ان راحت من أيادينا أبدا ما نعوضهاش
هو اللي نقوله نعيده حبنا عمره ما حيفيده
تعب القلب وتنهيده دا احنا لسة ما عيشناش

ما بلاش
غناء: على الحجار
اشعار: سيد حجاب
الحان: بليغ حمدى
الاصدار فى: البوم "متصدقيش"
السنة: 1983
التصنيف: عاطفى

من صغر السن - سيد حجاب

من صغر السن ..ياااه وحمام البن..ياااه بيناديني معشقتش حد... ياااه ولحد ماخد خد قلبي وعيني......ولدي يا ولدي ضحاك السن وصغير السن حبيته بجد ..بجد بجد .....بجد بجد...ياااه دا الحب مالوش غايه ولاحد ........ياااه قلبي معااااااكي من بعد القلب ما كان باكي واقف وبغني في شباكي اه اه انا قلبي الصبي عاشق ونبي شرقي غربي ابعدي قربي انا قلبي معاكي معااكي وعيون الحب بترعاكي بترعاكي نامي ف دراعيني وحوطيني وحوطيني أنا ضي عيني يا مني عيني يامني عيني حبيتك قد السما والشمس انت بكره واليوم والامس في الشتا في البرد وفي عز الشرد في ربيع الورد حبيتك حبيتك ياما احلي من الشهد علي صدرك طيرت حمامي علي حجرك بعطرت سلامي علي بابك ونصبت خيامي سمعتك نغمي.. ألحاني وصحيتك علي لحن هداني وسقيتك وجرحت صيامي بتعلم في الغيط ومعلم بتكلم في النور وأتكلم في الضلمه لو ليلي يضلم وبحبك بالصوت العالي وبريدك تعالي لي تعالي انا جملك والشوق جمالي ولايمكن يا حبيبتي ح سلم ترحيله....أجرتنا قليله ترحيله....صحتنا عليله ترحيله....أنا شيلتي تقيله مش قادر ولكني بحاول علشانك ازرعها سنابل وعشانك ابدورها قنابل لو ضربك خولي الترحيله يامني عيني يا مني عيني يا مني عيني

غناء: محمد نوح - البوم "الصبر طيب" 1982

سيدى يا سيدى - سيد حجاب

الله ... سيدي يا سيدي
الله الله .. الله يا سيدي
الله سيدي يا سيدي ويلي ويلي منك يا سيدي
سيدي سيدي امتي يا سيدي نبقي زي زمان
لو جابولي الشمس فايدي انت قمري كمان
ااه لو جابولي الشمس فايدي ويلي ويلي يا قمر ليلي الله .. سيدي يا سيدي الله
الله الله .. الله يا سيدي
ويلي يا ويلي منك يا سيدي
ويلي ويلي منكوا يا ويلي من الهوا ولياليه قد ما يبكي مواويلي قلبي ملك ايديه
قد ما يبكي مواويلي ويلي ويلي منكوا يا ليل
الله... سيدي يا سيدي
الله الله .. الله يا سيدي
الله سيدي يا سيدي ويلي ويلي منك يا سيدي
قالولي يا ما الناس وقالولي ياما قالوا عليك
بس لما عنيك ندهولي توهت فيها وفيك
اه بس لما عنيك ندهولي ويلي ويلي منك يا سيدي
ويلي ده الهوا طول ليلي واشكي منه اليك مهما يبكي ليا انا ليلي قلبي ملك ايديك
اه ما يبكي ليا انا ليلي ويلي يا ويلي منه يا ويلي
الله سيدي يا سيدي الله الله الله يا سيدي
الله سيدي يا سيدي ويلي ويلي منك يا سيدي

غناء: 
1- سميرة سعيد - البوم "اخر هوى" 1978
2- وردة - برنامج "جديد فى جديد" 1978
2- فرقة الجيتس

اه يا لمونى - سيد حجاب

قال عايزنا نبعد قال لما حبينا
وقلبي لقلبه مال والشوق في عنينا سهران بيستناه
مال ما قلبه ليا مال نده علينا ردينا علينا في الحال
وبسرعة جينا نمشي الطريق وياه
فين هنلاقي الحب ده فين اللي مدفينا
واللي مودينا يا عين للراحة بعد سنين طالت والله علينا
آه يا لموني يا لموني يا لموني لما شافوني وياه سألوني
قلت وماله بحبه سيبوني
آه يا لموني يا لموني يا لموني
آه كنت الليلة وياه والناس شافونا
سهمت وقلبي تاه لا يفرقونا وهواه ليا الحياه
يا والشوق اللي رماه بردك رماني
وبقيت نجمة في سماه وراق زماني مكتوب لي أعيش معاه
ليه والناس دي عايزة إيه ليه يحسودنا وبيبعدونا ليه
هيخدوا منا إيه لو قدروا يفرقوناه
آه يا لموني يا لموني يا لموني لما شافوني وياه سألوني
قلت وماله بحبه سيبوني
آه يا لموني يا لموني يا لموني
آه بيجرحونا ليه وبيظلمونا
يا دنيا يجرى إيه لو يفهمونا ويفهمه الحياه
لا يا قلبي قلنا لا مهما يلومونا لا نتوب يوم عن هواه لو يبعدونا
ده الروح ولا بتنساه
مين يقدر يبعدنا مين يوم عن هوانا
ده أحنا يا ناس عاشقين واللي مصبرنا سنين هي لحظة لقانا
آه يا لموني يا لموني يا لموني لما شافوني وياه سألوني
قلت وماله بحبه سيبوني
آه يا لموني يا لموني يا لموني

غناء: سميرة سعيد - البوم "اخر هوى" 1978

مناديل الوداع - سيد حجاب

انا ..انا..بحب مناديل الوداع ولا ببكى ع الحب الجميل اللى ضاع
انا ببكى ...انا ببكى على العمر .. على العمر اللى ضاع و ضاع و ضاع فى الخداع
ليه يا نجوم السماء ليه... ليه.. ليه يبقى الهنا فى ايدنا و حضننه
و ضيع و ما يفوت غير دمعنا ليه الوفاء يتنسه ليه... ليه.. ليه
ليه اللى عاش و يانه و جامبنا اتفرق و بقينه كده و حدنه
ليه يا نجوم السماء ليه... ليه.. ليه يبقى الهنا فى ايدنا و حضننه
و ضيع و ما يفوت غير دمعنا ليه الوفاء يتنسه ليه... ليه.. ليه
ليه اللى عاش و يانه و جامبنا اتفرق و بقينه كده و حدنه
من صغرا ياعينى ديبين فى الجرح ولا عدى على القلب مرة ليه لو صباح
انا ..انا..ببكى على الحب اللى راح مع الرياح
خده منينه الفرح و فاته الالم و الحيره و الجرح و العزاب و الكلام
خده منينه الفرح و فاته الالم و الحيره و الجرح و العزاب و الكلام
انا ببكى ...اناببكى انا ..اناببكى على البعد و الخصام ده حرام
ليه ياليالى الهوى ليه... ليه.. ليه تطفى الدموع شمعنا دايما لنا
و طول صحبتنه طول السنه ليه تجرحنه سوه ليه... ليه.. ليه
تسرق منا فرحتنه ايه زمبنه عملنى ايه فى دانياتنا معرفش انا
ليه ياليالى الهوى ليه... ليه.. ليه تطفى الدموع شمعنا دايما لنا
و طول صحبتنه طول السنه ليه تجرحنه سوه ليه... ليه.. ليه
تسرق منا فرحتنه ايه زمبنه عملنى ايه فى دانياتنا معرفش انا
طول عمرنه ليه و اسمتنا الوداع اسمتنا الاحزان و الدموع و الضياع
طول عمرنه ليه و اسمتنا الوداع اسمتنا الاحزان و الدموع و الضياع
انا ببكى ...انا ببكى على العمر .. على العمر اللى ضاع و ضاع و ضاع فى الخداع

غناء: سميرة سعيد - البوم "بقى اسمه كلام" 1978

ماليش عنوان - سيد حجاب

ماليش عنوان انا انا ماليش عنوان
ماليش عنوان انا انا ماليش عنوان
نادينى تلاقينى نادينى تلاقينى فى اى مكان
انا انا ماليش عنوان
في مدينه منسيه في سحابه ورديه
في آهه الموال في بسمه الاطفال
في نسمه المغارب في رقصه المراكب
في نسمه المغارب في رقصه المراكب
علي موج الحنان انا انا انا ماليش عنوان
نادينى تلاقينى نادينى تلاقينى فى اى مكان
انا انا ماليش عنوان
في مدينه منسيه في سحابه ورديه
في آهه الموال في بسمه الاطفال
في نجمه مجهوله في زهره مقفوله
في نجمه مجهوله في زهره مقفوله
علي موج الحنان انا انا انا ماليش عنوان
نادينى تلاقينى نادينى تلاقينى فى اى مكان
انا انا ماليش عنوان

غناء: سميرة سعيد - البوم "بقى اسمه كلام" 1978

اوبريت احنا ولاد النهاردة - سيد حجاب

افتحي افتحي لنا قلبك الصافي وخدينا
وافرحي افرحي ببكرة اللي بيقرّب علينا
واحلمي بكره اجمل م النهارده وبكرة لينا
تسلمي سلمي لنا المسئولية..سلِّمينا
احنا زهرة شبابك وهواكي بيسري فينا
بالدم نصون ترابك ونعيد أمجاد ماضينا
احنا ولاد النهارده بكره أمانة ف ايدينا
إرادتنا الحرة واحدة ونادينا ح تلاقينا
يا بلادي
في هواكي يا عروسة النيل
ح نعدّي من ليل الويل
وان تاهت في الليل خطاوينا
بتكوني نجمة ودليل
علي صدرك نرتاح ونغني
بترابك كفنا متحني
واطلبي ما شئتي.. واتمنِّي
نفديكي بروحنا.. وده قَلِيل
يا بلادي
بالسماحة اللي ف عينيكي علِّمينا
بالصراحة اللي ف عينينا اتحمّلينا
زي ما آمنَّا بيكي آمني بينا
.. آمني لينا..أمِّنينا طمنينا
كوني لينا نهر خير بالعدل يتقسِّم علينا
يا بلادي
علي نيلك يا عروسة النيل
في القمرة تحلا المواويل
وان غابت قمرة أحلامك
نسرج لك عمرنا قناديل
من صبرك ياما اتعلِّمنا ولحبك كلنا سلِّمنا
وف ليلك بالفجر حِلِمنا
وبحبنا ح نشيلك شيل
يا بلادي
مين ح يبني مصر يا ولاد مصر مين؟
غير ولادها الطيبين المخلصين
اركعوا علي ارضها لله وصلّوا
وارفعوا راسكم قصاد قهر السنين
واطلعوا بمصر الأبية العربية للأعالي
واسبقوا الشوق والحنين
مصر مهد الحب مجد الإنسانية
مصر حرة بشعبها الحر الأمين
يا بلادي
احنا زهرة شبابك وهواكي بيسري فينا
بالدم نصون ترابك ونعيد أمجاد ماضينا
احنا ولاد النهارده بكره أمانة ف ايدينا
إرادتنا الحرة واحدة ونادينا ح تلاقينا
يا بلادي

غناء: سوزان عطية - محمد الحلو - ايمان الطوخى - توفيق فريد - تصوير التلفزيون 1983

فراشة - سيد حجاب

كان فيه فراشة ظغنططة
مفرفشة و مزقططة
كان فيه فراشة ظغنططة
مفرفشة و مزقططة
لابسة بلوزة منقطة
على جونلة مخططة
لابسة بلوزة منقطة
على جونلة مخططة
منقطة و مخططة
وسط الجنينة لمحتها وهى طايرة ف الهوا
وسط الجنينة لمحتها وهى طايرة ف الهوا
نادتها بصت تحتها
قلتلها تيجى نلعب سوا
قالتلى طيب يا اسمك ايه
انا هاستخبى و اختفى
فى اى مطرح هالتقى
و ان كنتى شاطرة تعرفى
قلتلها طب يللا العبى يا ام جناحات ملونة
قلتلها طب يللا العبى يا ام جناحات ملونة
يللا يا حلوة جربى
هاتروحى فين منى انا
طارت و غابت ف الشجر و عند اشجار اللمون
غابت تمام عن النظر و لونها تاه بين الغصون
بصيت بعينى ماشفتهاش من الشجر ماعرفتهاش
بصيت بعينى ماشفتهاش من الشجر ماعرفتهاش
كان الورق ستر و غطا
انا قلت لا ما بدهاش
مديت ايديا للغصون و بسرعة هزيتها اوى
لقيت جناح بالف لون بينفرد و ينطوى
فضلت كتير متنططة
و هى طايرة مزقططة
فضلت كتير متنططة
و هى طايرة مزقططة
اما فراشة صغنططة
لابسة بلوزة منقطة
اما فراشة صغنططة
لابسة بلوزة منقطة
على جونلة مخططة

غناء: نيللى - مسلسل "مبروك جالك ولد" 1980

سهر الحبايب - سيد حجاب

والله زمان علي سهر الحبايب والله زمان ع الصحبه الهنيه
لينا زمان ما قابلناش صاحب
لا الدنيا هي ولا هي الناس هي هي
والله زمان ياليالي الموانئ قلبي رماني وهوانا طواني
جانا زمان نسانا الأهالي ورجعنا تاني للغنوه اللي هي
والله زمان ياحبايب خدوني ضموني جوه قلوبكم دوبوني
ليا زمان عطشانه عيوني ضموني ليكم يابحور الحنيه
والله زمان علي سهر الحبايب والله زمان ع الصحبه الهنيه
لينا زمان ما قابلناش صاحب
لا الدنيا هي ولا هي الناس هي هي
والله زمان وأشتاقت عيوني قول يازمان خليهم يجوني
والله زمان راحوا سهروني يادمعه روحي وأرتاحي ياعينيا
والله زمان علي سهر الحبايب والله زمان ع الصحبه الهنيه
لينا زمان ما قابلناش صاحب
لا الدنيا هي ولا الناس هي هي
والله زمان علي زمان التلاقي خايفه يروح العمر اللي باقي
ليه يازمان تطول فراقي ما كفايه جرح الحيره اللي فيا
والله زمان علي سهر الحبايب والله زمان ع الصحبه الهنيه
لينا زمان ما قابلناش صاحب لا الدنيا هي ولا هي الناس هي هي
 
غناء: عفاف راضى - البوم "وعدى ع الغربة" 1985

مصر لكل المصريين - سيد حجاب

مصر الغالية لمين .. لينا
مصر الحرة لمين .. لينا
أم الدنيا لمين .. لينا
إحنا المصريين .. فينا
فكر وقدرة وصبر
يخلوا الصخر يلين
مصر لكل المصريين
إحنا ولاد النيل .. إحنا
جيل ورا جيل ورا جيل .. وإحنا
حافظين القرآن صاينين الأناجيل
تحلف بنتى وإزاى تدور وتدور السنين
لإنخليكى لولادنا الجايين
مصر لكل المصريين
يا حبيبة الملايين .. جينا
جينا نوفى الدين .. جينا
هانسابق الأيام ونسابقك يا سنين
ده إحنا وبكرة الجاى علينا متواعدين
قبل ما بكرة يجى نروحله بشوق وحنين
مصر لكل المصريين
سيرى وبسم الله .. سمى
نحميكى بعلاه .. همى
أملى العالم نور وأملى حياتنا حياة
ده إنتى منارة الحق اللى بتهدى التايهيين
وإنتى يا أمى أم الدنيا ليوم الدين
مصر لكل المصريين

غناء: عفاف راضى - عام 1985

الباقى هو الشعب - سيد حجاب

والباقى هو الشعب
والبانى هو الشعب
ولا فى قوة ولا فى صعب
يصدوا زحف الشعب
مشوارنا الطويل يا بلدى مشوار الفدا
لو كان ألف ميل يا بلدى ما خلاص ابتدى
تنادى الندا وعلينا الباقى
بعد ليالى الغدر يا بلدى بعد الانتظار
جاية ليالى القدر يا بلدى جايبة الإنتصار
تنادى للنهار وعلينا الباقى

غناء: عفاف راضى - عام 1973

بيانولا - سيد حجاب

بيانولا بيانولا بيانولا
يا حلولوا يا حلولى يا حلولا
دى الحياة فى الشلة ضلة
والزمن سايق الهبولة
ويا صوت البيانولا
بيانولا وانا شارلى وبشاور بعصايتى
الدنيا تندارلى تبقى الدنيا مرايتى
ده انا بيتى وسرايتى وبدايتى ونهايتى
أنغام البيانولا

غناء: عفاف راضى - مسرحية دنيا البيانولا 1975

جينا زى الريح - عفاف راضى وعلى الحجار /اشعار/ سيد حجاب

جينا نقول للرملة الطاهرة
وحشانا وحشانا بصحيح
يا سينا زي ما بنودك ودينا
ضمينا في حضنك وخدينا
خدي ورده عمرنا واهدينا
لطريق بكره المليان لينا
واغاني تفاريح
يا سينا زي ما بنودك ودينا
جينا زي الريح الحرة جينا ويا الريح
جينا
انتي مرايه القمر وانتي عروس الرياح
جينا
يا دقات القدر علي ابواب الصباح
جينا
لما رفعنا عليكي علمنا
حن الرمل وحن قدمنا
شفنا المستقبل قدامنا
احلي من احلي امانينا
سينا يا سينا سينا
طول عمرك مصريه يا سينا
سينا يا سينا سينا
مصريه من ايام مينا
سينا يا سينا سينا
مصريه لاخر ليالينا
ورملك عربي يا فصيح
جينا زي الريح الحرة جينا ويا الريح
جينا نقول للرملة الطاهرة
وحشانا وحشانا بصحيح
سينا
وسط الليل والخطر حضنك حصن الامان
سينا
الشعب اللي انتصر هيعيد امجاد زمان
سينا
هواكي حمامنا غير رملك
وهنحمي بسلاحنا سلامنا
ومسيرنا نحقق احلامنا
ونباهي بحاضرنا ماضينا
سينا يا سينا سينا
نحلف والسما شاهده علينا
منفرطشي في شبر يا سينا
سينا يا سينا سينا
دا انت رمالك تبر
وترياق للنجاريح
سينا يا سينا سينا
جينا زي الريح الحرة جينا ويا الريح
جينا نقول للرملة الطاهرة
وحشانا وحشانا بصحيح
سينا
زهرنا البريه
سينا
ضحكتنا المصريه
سينا
بوابه الحريه
للامه العربيه
سينا
عيشي عزيزه ابيه
سينا
ولاجيالنا الجايه
سينا
وجهتنا الشرقيه
للشمس الدهبيه
سينا
في غيابك عنا اتألمنا
لكن عمرنا ما استسلمنا
وهو درس الماضي علمنا
نحميكي وانتي تحمينا
سينا يا سينا سينا
لنعمرها مدينه مدينه
سينا يا سينا سينا
ونخضرها جنينه جنينه
سينا يا سينا سينا
وعمارها بكره يناسينا
ايام التباريح
جينا زي الريح الحرة جينا ويا الريح
جينا نقول للرملة الطاهرة

جينا زى الريح
غناء: عفاف راضى وعلى الحجار
اشعار: سيد حجاب
الحان: عمار الشريعى
التصنيف: وطنى

تعليق
حوار للموسيقار عمار الشريعى في مجلة القاهرة عام 1990: «قدمت مع سيد حجاب أغنية (جينا زى الريح الحرة ) وتعبت فيها فلم تنتشر جماهيريا فأصبت بالإحباط وقررت الاعتزال.. فزارني الموسيقار كمال الطويل وقال لى لو عايز تبطل مزيكا اتفضل،المزيكا لا تبكى على أحد، ولو انت لسة بتفرح بالمزيكا كمل طريقك،ولو معندكش جديد اعتزل».
واختتم «قلت له أنا لسه بأفرح بالمزيكا، فقال طيب سمعنى الأغنية بتاعة سيد حجاب، وبعد أن استمع إليها قال: يا بنى الغنوة دى لا جيلك ولا الجيل اللى قبلك ولا جيل عبد الوهاب نفسه عملوا أغنية زيها».

طير يا حمام الدوح - سيد حجاب

طير يا حمام الدوح وروح لروح الروح
إجري لأحبابي واوصفلهم بابي
دا انا لسة في شبابي
بس الفؤاد مجروح
طير يا حمام الحما
واقطف نجوم السما
واقطف نجوم الليل ومعاهم القمرة
هدية م السمرة لابو العيون سمرة
يا نسمة يا متنسمة
أنا مش حزينة إنما
روحي لهم بتروح..
طير يا حمام الدوح
روح يا نسيم الصبا
اجري لحبيب الصبا
واقطفله ياسمينة من البستان
هدية من عطشانة للعطشان
يا نسمة صافية وطيبة
خليني منه قريبه
أروح لروح الروح..
طير يا حمام الدوح
أنا مش أنا
والغنا مفهش ولا ريحة الهنا
أنا هنا وحبيبي عني بعيد
أنا وحيدة وهو زيي وحيد
يا شوق يجيبه هنا
يا شوق يجبني أنا
أروح لروح الروح..
طير يا حمام الدوح

غناء: عفاف راضى - عام 1974

توت توت - سيد حجاب

توت توت.. توت توت.. توت توت توت
قطر صغنتوت في الليل بيفوت
ويهل علينا في ميعاد مظبوط
قطر صغنتوت بس عامل غاغة
في بغبغانات رغاية بغبغة
ياكلوا شكولاتة يندغوا نداغة
أو يتشدقوا بلبان ممطوط
آه يا نا يا قليلة الحيلة
ما انتوش جايبنها لبر الليلة
ده أبو سنجة طويلة عامل هليلة
ولبيت العيلة راجع مبسوط
من بعد شقاوته وبعد همومه
من بعد ما لف ودار طول يومه
تروماينا أهو واصل لمحطة نومه
وده أول قطر ينام في بيوت
تصبحوا على خير يا حبايب روحي
يا دوا جروحي في الليل النوحي
يا 3 قمرات طلوا على سطوحي
يا 3 يمامات على شجرة توت
شدوا الملايات واتغطوا وناموا
واللي يغمض هيشوف في منامه
باب جنة أحلامه قدامه
وقصور فضة ومرجان وياقوت

غناء: عبد المنعم مدبولى وهدى سلطان - مسلسل "لا يا ابنتى العزيزة" 1979

امى - سيد حجاب

أمي أمي امايا امايا
مهما ان كان دمها في دمايا
كانت تترد في احضاني
وبشيل من علي عيني غمايا
امي يا مايا امايا
مهما ان كان دمها في دمايا
امي يامايا يا امي
نامي في دراعيني
وفي درا كمي
سمي عليها يا روحي وضمي
وارتاحي يا امي في حمايا
امي امايا
امي يا مايا امايا
مهما ان كان دمها في دمايا
أمي

غناء: على الحجار

خلاص - سيد حجاب

خلاص.. خلاص !!
خلاص الدهر فرقنا
ونهر القهر غرقنا
أنا وانتي ما صدقنا
لاقينا بعض وبدأنا
وداع يا أحلى أحلامي
وداع يا شمس أيامي
لا عارف جرحي ليه دامي
ولا شايف لقدامي
قدرنا للفراق ساقنا
خلاص الدهر فرقنا خلاص
فرقنا زمان توهنا شوشنا
وجينا نطير اتقصف ريشنا
يا أحلى حلم وشوشنا
وعاش فينا وفيه عشنا
زمان التوهة طوقنا
خلاص الدهر فرقنا!!
حرام الدنيا تحرمنا
ما دام للحب سلمنا
وفيها إيه إذا حلمنا
ببيت وحنان يلملمنا؟!
ونطفي ف حضنه أشواقنا
خلاص الدهر فرقنا

غناء: على الحجار - البوم "ريشة" 1998

بفتح زرار قميصى - سيد حجاب

بفتح زرار قميصي للنسمة و للأماني
و أنور فوانيسي و أملى العالم أغاني
باغنى للمحبة، وللنجم الملالى
دى الغنوة فى قلبى شابة، وطايرة فى العلالى
أه يا هوا يا سيسي إنت لساني وحصاني
بافتح زرار قميصي واملى العالم أغاني
بفتح زرار قميصي للنسمة و للأماني
و أنور فوانيسي وأملى العالم أغاني
باغني للسعادة، وباغني للرضا
والغنوة كل مادا، تعلى وتملى الفضا
أه يا هوا يا سيسي إنت لساني وحصاني
بافتح زرار قميصي واملى العالم أغاني
بفتح زرار قميصي للنسمة و للأماني
و أنور فوانيسي و أملى العالم أغاني
باغني للحقيقة وباغني للانسان
و غنوتي الرقيقة بتنورلي الزمان
أه يا هوا ياسيسي إنت لساني وحصاني
بافتح زرار قميصي واملى العالم اغاني

غناء: محمد منير - البوم "بنتولد" 1980

سيلى - سيد حجاب

سيلي يا نسمة وميلي
ع الحبيبة وسلميلي وارجعيلي
سيلي يا نسمة و قولي
ضمي قلب دهب و لولي
عمري ليكي روحي فيكي
ليكي شوقي وليكي ميلي
يا ابتسامة سمرة نيلي.. تسلميلي
يا حبيبتي الحب داري
وانتي نوري وانتي ناري
ده انتي انتي لما بنتي
بالهوا نورتي ليلي
يا ابتسامة سمرة نيلي.. تسلميلي
انتى قمرة فى ليل مدينتى
وانتى فى التوهة سفينتى
فى الليالى شايفة حالى
وانتى قنديلى ودليلى
يا ابتسامة سمرا نيلى.. تسلميلى

غناء: محمد منير - البوم "بنتولد" 1980

حلى ضافيرك - سيد حجاب

حلى ضافيرك للهوا
واتمايلى فى بحور الهوى
وغنى للحب اللى جمعنا سوا
خللى ضافيرك فى الهوا تطير.. تطير
ورفرفى للنسمة بالشعر الحرير
ولملمينى.. ولملمى قلبى الاسير
كسير، جريح، وانتى الدوا
حلى ضافير للهوا
مركب هوانا فى الهوا حلة الشراع
رايحين سوا لبلاد ما تعرفش الخداع
وداع يا ليل الحزن يا سنين الضياع
ضل الاسى داب وانطوى
حلى ضافيرك للهوا
حلى ضافيرك فى الهوا ويا القلوع
وخدينى ودينى لبلاد ما فيهاش دموع
وما دام ناوينا على الطريق ما فيناش رجوع
مهما الهوا زام واتلوى
حلى ضافيرك للهوا

غناء: محمد منير - البوم "بنتولد" 1980