البحث
إظهار الرسائل ذات التسميات
محى الدين شريف
.
إظهار كافة الرسائل
إظهار الرسائل ذات التسميات
محى الدين شريف
.
إظهار كافة الرسائل
بلاد الدهب - محى الدين شريف
يا بحر هدى هدى خلينى اعدى اعدى
يا شط الامان يا حضن الحنان
انا انسان وعنوانى بلاد الدهب
فى شطك يا نيل يا حبى وحياتى
فى ظل النخيل كانت ذكرياتى
واحلى الغناوى بتحكى الحكاوى
غناء: احمد منيب - البوم "بلاد الدهب" 1991
مصرية نوبية - محى الدين شريف
مصرية نوبية
حبيبة سمرة خمرية
عيونها كحيلة عسلية
وحتي عينيها سحرية
وشوق ونغم وحنية
منين ما أروح .. وأدور سواح
وأقول أنسي ما بنساشي
وفين ما أروح .. حبيب الروح
مالوش تاني و مقدرشي
أداري حبي مقدرشي ..
ما هواش ذنبي مقدرشي
أنام وأصحي بتنهيدة تقول هي
حبيبة حنونة جوايا ومالية القلب حنية
وشوق ونغم وغنيوة
تخلي الدنيا حواليا
جميلة جميلة في عينيا
قابلت عيون قالتلي كلام
قمر سهران بلون فتان
سحرني الناي نغم أشجان
أقول أنتي يا خمرية
حبيبة سمرة مصرية
مصرية نوبية .. نوبية مصرية
غناء: احمد منيب - البوم "كان وكان" 1984
مشتاقين - محى الدين شريف
مشتاقين يا ناس للبيت
لنبع الحبايب
لبلاد النخيل والغيط
هيعود اللى غايب
مشتاقين يا ناس لبلاد الدهب
كبر الشوق جوه القلب
كان لسه فى حضنى الحب
خدنا ومشينا
والأيام خدتنا
رحلة وعودة
ناويين اننا راجعين
يا بلادى ومشتاقين
نادرين لما نرجع تانى
لبلاد الجمال ربانى
جوه البيت هنزرع نخلة
تطرح خير وتعمل ضلة
والعصافير تلقط غلة
فى الحوش الكبير والرملة
جار الساقية فى العصرية
نحكى حكاوى
والأفراح هتملى الناحية
ويا غناوى
مشتاقين يا ناس
غناء احمد منيب - البوم "مشتاقين" 1982
● أضغط هنا لمتابعة باقى الموضوع ●
رسائل أقدم
الصفحة الرئيسية
الاشتراك في:
الرسائل (Atom)