البحث

‏إظهار الرسائل ذات التسميات عبد الرحمن الابنودى. إظهار كافة الرسائل
‏إظهار الرسائل ذات التسميات عبد الرحمن الابنودى. إظهار كافة الرسائل

سواح - فتحية احمد /اشعار/ عبد الرحمن الابنودى

يا ابو العيون فى كل عين جنة
ياما نفسى اعيش قربك واتهنى
واستنى طول العمر واستنى
ويعدى الف صباح
وافضل انا فى جنتك مرتاح
امشى على بر الهوى سواح
يا ابو العيون فى كل عين جنة
قال لى القمر يا غريب ديارك فين
انا قولت دارى فى ضى اجمل عين
وفى الكلام الحلو فى شفايفه
وفى ضحكته المش عارفة اجيبها منين
ان راح بعيد ابعد وراه
وان عاد هنا ارجع معاه
يا ابو العيون فى كل عين جنة
النسمة عدت مرة من جمبى
قولتلها اه لو كنتى بتحبى
لكنتى شيلتى الشوق لمحبوبى
علشان يشوف نارى اللى فى قلبى
ويوم ما يعرف مين انا
يفتح لى شباك الهنا
يا ابو العيون فى كل عين جنة
يا ابو العيون اللى الربيع فيها
خضرة عليها رموش تغطيها
سايق عليك الحب والحرمان
سايق عليك ليلة وحيد فيها
خلى عيونك تنفتح
علشان تخلى الشوق فرح

سواح
غناء: فتحية احمد
اشعار: عبد الرحمن الابنودى
الحان: عزت الجاهلى
التصنيف: عاطفى

ساعة وبس - هدى زايد /اشعار/ عبد الرحمن الابنودى

ساعة وبس انا وحبيبى
ساعة وبس احكى واقوله
ساعة وبس اشكيله همى
ساعة وبس واحكى ده كله
واقوله حاجات واهات وحنين
ساعة وبس
قولى للساعة متكفيش
عطشانة للكلمة وللحس
كوباية المية مترويش
لكن تندى القلب وبس
ساعة تنسينى الاحزان
تقولى كنا واقولك كان
ولك معايا زى زمان
بتقول حبيبى
بقيت بخاف اوى من المواعيد
لانها مبتحققش
والصبر قولى بايه هايفيد
مدام انت دايماً مبترجعش
ترجع ما ترجع هاستناك
انت هنا وانا اللى هناك
ولو مشيت لك على الاشواك
برضك حبيبى
الساعة تغنى عن ايام
انا السؤال وعينيك الرد
اصل فى عيونك شوفت كلام
قبلك ما شوفتوش فى عيون حد
عيون بتعرف امتى تقول
وتخلى بالى وداد مشغول
مين اللى عن سهرى مسئول
الا حبيبى
ساعة وبس انا وحبيبى
ساعة وبس احكى واقوله
ساعة وبس اشكيله همى
ساعة وبس واحكى ده كله
واقوله حاجات واهات وحنين
ساعة وبس

ساعة وبس
غناء: هدى زايد
اشعار: عبد الرحمن الابنودى
الحان: محمد الشيخ
السنة: 1990
التصنيف: عاطفى

طريق الحب - كارم محمود /اشعار/ عبد الرحمن الابنودى

والله يا قلبى عرفنا تحب
والله عرفنا طريق الحب
قال ايه قولنا الفرحة نسيتنا
عدت فى طريقنا وفاتتنا
لما اهى جت زى ما بنحب
يا قلبى والله والله
قلبى يا نجمة للصبحية
بتنور ومحدش شافها
عدى البدر فى ليلة هنية
شافها ما بين النجم عرفها
نور من حواليها الليل
فرحة وحب ووجد وميل
قلبى يا وردة ربيعها اتأخر
واستنيت وياها القسمة
لما ربيعها جه يتمخطر
وروايحه نقلاها النسمة
شوف الدنيا ربيع وزهور
هل فى عمر الحب النور
قال ايه قولنا الفرحة نسيتنا
عدت فى طريقنا وفاتتنا
لما اهى جت زى ما بنحب
يا قلبى والله والله

طريق الحب
غناء: كارم محمود
اشعار: عبد الرحمن الابنودى
الحان: حلمى امين
السنة: 1964
التصنيف: عاطفى

قدام بيت اللى بحبه - محمد رشدى /اشعار/ عبد الرحمن الابنودى


قدام بيت اللى بحبه
اه يا ابوى يا ابو يا ابوى
سجرة ضلة ومعنى وهوى
مجروح ويا ناس قولوا لحبيبى
فى ايده هو وبس الدوا
دنيا يا دنيا لفين وخدانى
شايلانى من الارض وحطانى
يا تفرحينى مدام خدتينى
يا ترجعينى احب مكانى
مكانش عشمى يا دنيا معاكى
تحبى ضحكة قلبى الباكى
انسينى انتى الله يهديكى
مدام انا مش قادر انساكى
ولامتى بس هاروح واضل
شجر الحبايب هجروا الضل
يا ترجعينى حدا اللى بحبه
نضحك سوا ونمشى سوا
قولتيلى حلوة الدنيا
صدقت من طيبة قلبى
مشيت مشيتى جريت جريتى
وسيبت اهلى وحبايبى
مكانش عشمى يا ايام واصل
ارحل وارحل عمرى ما اواصل
ضيعت قلبى ونسيت حبايبى
اهو ده اللى صار وادى اللى حاصل
ولامتى بس هاروح واضل
شجر الحبايب هجروا الضل
يا ترجعينى حدا اللى بحبه
نضحك سوا ونمشى سوا

قدام بيت اللى بحبه
غناء: محمد رشدى
اشعار: عبد الرحمن الابنودى
الحان: حلمى بكر
التصنيف: عاطفى

مقدمة ونهاية البرنامج الاذاعى "حروف الكلام" 1975 - سيد مكاوى /اشعار/ عبد الرحمن الابنودى

المقدمة
علمتينى الحرف
علمتينى حروف الجر وعلمتينى حروف العطف
وعلمتينى الحب وعلمتينى العطف
علمتينى ما اخافش واكون قدام الصف
علمتينى حاجات حلاوتها تفوق الحصر
علتمينى كل ده واكتر منه يا مصر

النهاية
شيلتك فى كتفى يمامة
شيلتك فى صدرى ابتسامة
وبشد حبلك واعانى
تعبت معايا الاغانى
ولابد يا مصر تانى
نوصل لبر السلامة

مقدمة ونهاية البرنامج الاذاعى "حروف الكلام"
غناء: سيد مكاوى
اشعار: عبد الرحمن الابنودى
الحان: سيد مكاوى
السنة: 1972
التصنيف: اغانى البرامج الاذاعية / وطنى

ليلة - هانى شاكر /اشعار/ عبد الرحمن الابنودى

ليلة ليلة ليلة اما ليلة يا سلام
انا وانت فى ليلة ازاى ما تكونش جميلة
دى حتى الليلة قليلة مش هاتكفى الكلام
احنا قلوبنا دابت وادى الشمس غابت
غابت بس سابت فى قلوبنا السلام
ليلة ليلة ليلة اما ليلة يا سلام
يا قمر الليالى يا منور فى العلالى
لما بكون لحالى انا لا بسهر ولا انام
ليلة ليلة ليلة اما ليلة يا سلام
كلمنى اتكلم علمنى اتعلم
كان الليل مظلم قبلك يا بدر التمام
ليلة ليلة ليلة اما ليلة يا سلام
الدنيا فى ايدينا بتنور ليالينا
لو قلناها اديلنا مش هاتقول بكام
ليلة ليلة ليلة اما ليلة يا سلام
دي الفرحة نادتنى ليلة ما انت جيتنى
وعيونك علمتنى وانا مش عاوز علام
ليلة ليلة ليلة اما ليلة يا سلام

ليلة
اشعار: عبد الرحمن الابنودى
غناء: هانى شاكر
الحان: جمال سلامة
الاصدار فى: البوم "بعشق ضحتك"
السنة: 1990
التصنيف: عاطفى

الفنارة - عبد الحليم حافظ /اشعار/ عبد الرحمن الابنودى

يا فنارة لفى المينا خلى السفينة تعدي
وان سالوكى البحارة اتعاجبى واقفى وردى
دي قنالنا ودى اراضينا اتفضل شوف يا اخينا
لفي ووريه يا فنارة يا فنارة
يا سفاين فوتى وفوتى فى قنالنا الحرة الرايقة
والليل والنار والغارة وعيال الناس في الحارة
وبنية بتبقي يتيمة وعمارة بتبقى حجارة
لو واحد م البحارة عايز يعرف يا فنارة
لفي ووريه يا فنارة  يا فنارة
فى مكان القنابل بتميل السنابل
فى مكان الزوابع بتدور المصانع
بنعلى المبانى ونغنى الاغانى
قتلوا الشمس مرة وجبنا الشمس تانى
خلى البحار يملى عيونه من نور بلدى
خلى البحار يفرد صدره لنسمة بلدى
ويشوف الضحكة فى عين ولدى
الضحكة شوارع مرصوفة 
انا ضحكة ابنى موصوفة
لو واحد م البحارة عايز يعرف يا فنارة
لفي ووريه يا فنارة  يا فنارة

الفنارة
اشعار: عبد الرحمن الابنودى
غناء: عبد الحليم حافظ 
الحان: عبد العظيم محمد
الاصدار فى: عيد الجلاء
السنة: 1966
التصنيف: وطنى

انشودة مصر / من سماكى - عبد الرحمن الابنودى

بلادي يا بلادي يا بلادي . . من سماكي طلت الشمس
اللي ضوت كل شبر في كل وادي في السواحل والبوادي
يا غنا الأرض اللى عشقتها الأيادي
أنتي حاضر وأنتي ماضي وأنتي مستقبل
كأنك لسه مولودة السنادي
يا مصر يا مصر يا بلادي
لما بيهل الربيع يهدلوله الجميع وانتى اهديتى الحياة
صوتك ولونك اصبح الكون يا بلادى كله كونك
مصر يا اول ضمير للانسانية
ياللى كونتى الفجر للدنيا اللى جاية
اعلى شمس واغلى اهل واحلى وادى
بلادي يا بلادي يا بلادي . . من سماكي طلت الشمس
اللي ضوت كل شبر في كل وادي في السواحل والبوادي
يا غنا الأرض اللى عشقتها الأيادي
أنتي حاضر وأنتي ماضي وأنتي مستقبل
كأنك لسه مولودة السنادي
يا مصر يا مصر يا بلادي

غناء: نجاة الصغيرة - احتفال ذكرى نصر اكتوبر بمركز القاهرة الدولى للمؤتمرات عام 1999






طبعا احباب - عبد الرحمن الابنودى

طبعا احباب والحب عجيب ومالش اسباب
طبعا احباب وانا وانت سؤال ومالوش جواب
يا بو حس بيعرف يلمسني
وكلام ولا غيره يونسني
يا غنوه ما تحتاجش شفايف
قلبي من غير قلبك خايف
واحنا من غير بعضنا اغراب
طبعا احباب احباب خالص
وبحبك من قلب خالص
لو نزعل ولو انه ده عمره
ما حصل بيني وبينك خالص
في دقايق مين قال في دقايق
في ثواني حبيبي بنخالص
عشاق خالص
احباب خالص
ولا مننا في الدنيا دي خالص
قلبنا خالص
حبنا خالص
ولا فيش زينا ابدا خالص
طبعا احباب
يا ليالي حاسبي يا ليالي وانتي بتجري وافتكريني
دنا قبل ما اقابل محبوبي لا حاسيت حياتي ولا سنيني
ايه يعني سنين والقلب حزين
ايه يعني العمر ما دام قلبي
لا يحس الفرحه ولا الاهه
ايه يعني الدنيا ما دام تجري
من ايدي وانا موش حساها
دلوقتي خلاص انا عندي كلام
واقدر اتكلم عالايام
انتوا فاكرين علشان ما حلمت
خلاص انا عايشه في الاحلام
ابدا ابدا
خالص خالص
والحب في قلبي موش خالص
وانت ما شفتش زيك خالص
لو نزعل ولو انه ده عمره
ما حصل بيني وبينك خالص
في دقايق مين قال في دقايق
في ثواني حبيبي بنتخالص
عشاق خالص
احباب خالص
ولا مننا في الدنيا دي خالص
قلبنا خالص
حبنا خالص
ولا فيش زينا ابدا خالص
طبعا احباب
ما انتش محتاج ولا نيش محتاجه تقولي واقولك يا حبيبي
منته حبيبي
منته حبيبي وانا حبيبك وانا وانت عارفين يا حبيبي
ايوه حبيبي
حنقولها عشان الناس تعرف
طب يعرفوا ليه
يعني لو عرفوا ده ينفعنا
يا حبيبي بايه
حيخلونا اسعد ما احنا حاجه وياهم تفرحنا
حايقربوا نجم الليل سنه ويعلنوا الضحكه ف افراحنا
ابدا ابدا
خالص خالص
وانا مهما اديتك من قلبي
عمري ما حاوفيك حقك خالص
ابدا ابدا
خالص خالص
يا احلى من الدنيا دي خالص
واجمل من كل الناس خالص
لو نزعل ولو انه ده عمره
ما حصل بيني وبينك خالص
في دقايق مين قال في دقايق
في ثواني حبيبي بنتخالص

غناء: وردة - شركة عالم الفن عام 1988

العربى محمد عليه السلام - محمد رشدى /اشعار/ عبد الرحمن الابنودى


العربى محمد عليه السلام
امدحك يا محمد يا خير الانام
نبى اذكره لو اخاف او احزن
حزنى يزول ويروح الخوف
قال جادلوهم بالتى هى احسن
وكلموهم بالمعروف
نقطة انا فى بحر اللى بيشهد
ان لا اله الا الله
محمد رسول الله
وانه حبيبه وعبده محمد
صادق وهو رسول الله
لا اله الا الله
محمد رسول الله
بقول اللهم احينى وامتنى
مسلم على دين الاسلام
باللى فى ضميرى واللى فى سريرتى
انت اللى اعلم ولا حد تانى
برحمتك من نفسى حميتنى
وبنعمتك بتقوى ايمانى
انا كنت عاصى يارب هديتنى
ودخلت نور من بعد ظلام
لما لقيتنى راضى رضيتنى
برضاك ما تغلبنى الايام
لا اله الا الله
محمد رسول الله
بقول اللهم احينى وامتنى
مسلم على دين الاسلام
العربى محمد عليه السلام
امدحك يا محمد يا خير الانام

العربى محمد عليه السلام
غناء: محمد رشدى
اشعار: عبد الرحمن الابنودى
الحان: جمال سلامة
الاصدار فى: الليلة المحمدية السادسة
السنة: 1990
التصنيف: دينى

يا صبية يا ام الدقة - عبد الرحمن الابنودى

يا صبية يا ام الدقة دقاتى زادت دقة
قوليلى عد النجم اللى بيرقص فى العالى
قوليلى هات النسمة اللى بتلعب مع شالى
مش رايح اقولك لا يا صبية يا ام الدقة
ميلت ارتاح عند الضلة وشربت شوية من القلة
وسرحت فى مهرك يا صبية وحلمت بيوم بيع الغلة
احلامك مدت قدامى زى البستان
اه يا جناينى الورد جميل لكن عطشان
قوليلى عد النجم اللى بيرقص فى العالى
قوليلى هات النسمة اللى بتلعب مع شالى
مش رايح اقولك لا يا صبية يا ام الدقة
ميلت ارتاح عند الزرعة وشربت شوية من الزلعة
وسرحت فى مهرك يا صبية وانا شايف صورتك فى الترعة
احلامى مدت قدامى فدان ريحان
اه يا جناينى ريحانه جميل لكن دبلان
قوليلى عد النجم اللى بيرقص فى العالى
قوليلى هات النسمة اللى بتلعب مع شالى
مش رايح اقولك لا يا صبية يا ام الدقة

غناء: سيد اسماعيل

سهرانين الليل بطوله - عبد الرحمن الابنودى

سهرانين الليل بطوله
الليل طويل يا حبيبى ازاى
ده سارح كأنه ندهة ناى
ضايع ما بين خجلك وحياى
وانا والليالى سهرانين
تسهر واسهرلك للصباح
ياللى عينيك تشفى الارواح
فات العشاء والفجر اهو لاح
وانا وعيونى سهرانين
الرقة عندك اول طبع
وده اللى احبه انا بالطبع
على قلبى طابع صورتك طبع
وانا وعيونى سهرانين
لو قلبى من السنة متألم
يطيب لو انت بتتكلم
طولت النجوم من غير سلم
واحنا يا حبايب سهرانين
حبيبى يا تمر الحنة
الليل صبح واحد منا
سهر علشان احنا سهرنا
وانا والليالى سهرانين
وطول ما ليل ورا ليل بيفوت
انا بحب كلامك موت
وبفهمه لو من غير صوت
لو ملتى يا دنيا
سهرانين الليل بطوله

غناء: محمد رشدى -عام 1987

اتمد يا عمر - عبد الرحمن الابنودى

اتمد يا عمر اتمد
واعيش وافرح واشوف بعينيا السد
اشرع على قارب ماشى فى بحر الغد
اتمد اتمد اشوف الكد واشوف العزم فى عين السد
رجال والنبى رجال ايوة يا جيش العمال
اهو كده فرحنى بعمرى
اهو كده فرحنى امال
اهو كده فرحنى وكده ريحنى بجد
واعيش وافرح واشوف بعينيا السد
اتمد يا عمرى سنين واشوف النور
ومصانع صاحية تدور
اتمد اتمد اشوف الكد واشوف العزم فى عين السد
اتمد يا عمرى سنين واشوف الخضرة
مزارع فوق البور
اتمد وشوف بكرة الاخضر
فى بلدنا الحلوة بيتمخطر
وعيالنا سعيدة بايامها
وقلوبنا تتحمس اكتر
اتمد يا عمرى استنى الخير والسعد
واعيش وافرح واشوف بعينيا السد
اتمد اتمد اشوف الكد واشوف العزم فى عين السد

غناء: محمد قنديل - من تسجيلات الاذاعة المصرية عام 1962

يا نازلين البحر - عبد الرحمن الابنودى

يا نازلين البحر
قولوله .. لسه حبيبتك ع الشطوط واقفة
مستنظرة .. واليوم يا طوله .. على الصبية ام العيون خايفة
يا نازلين البحر
قولوله .. لسه حبيبتك ع الشطوط واقفة
مستنظرة .. واليوم يا طوله .. على الصبية ام العيون خايفة
قولوله مستنية, من النور للمغربية
بتبص لآخر الموج .. ومش شايفة
يا نازلين البحر .. قولوله.. قولوله
طالعة الطيور يا قلبي طير من صدري ..
طير واعلى وياهم وشوفهولي
بحلم وبرسم كل لحظة شراع
يعلى قصاد الموج يداريهولي
أنا مش حزينة, لكني مش فرحانة
ليلتين تلاتة والعيون لهفانة
يا نازلين البحر, امانة عليكوا ,لحسن نسي الشوق والنيران جوانا
قولوله مستنية, من نور المغربية
بتبص لآخر الموج .. ومش شايفة

غناء: سعاد محمد - اسطوانات سعاد فون عام 1970

ببعتله جواب - عبد الرحمن الابنودى

ببعت له جواب من داخل جواب
وليلاتى انا والليالى نستى ع الباب
نسأل النجم المسافر ميردش جواب
قلبى بيبكى فى المغارب والمدن ام الكهارب
ضيعت حبيبى ضيعت حبيبى
قلبى يطير فى الذكرى ضايع والمدن ام الشوارع
توهت حبيبى غربت قليبى
نستوا الناس والصحاب نستوا الخوف من العتاب
وعينيا الحزينة عصفورة حزينة
بتلف الدنيا وتدور مدينة مدينة وتنادى حبيبى
تسأل العماير وهفيف الستاير
مشوفتوش حبيبى يا عينى
تضحك المدن عليا ع البنية المستحية
الواقفة فى الضباب
وليلاتى انا والليالى نستى ع الباب
نسأل النجم المسافر ميردش جواب

غناء: سعاد محمد - اسطوانات سعاد فون

مقاليش - عبد الرحمن الابنودى

مقاليش مقاليش مقاليش
كان عايز يقولى ولا قاليش
كتب الرسالة ومبعتهاش
زى الحزين اللى مبكاش
خده من ايدى ورحت بلاش
كان عايز يقولى ولا قاليش
فاض العذاب والدمع مفيش
وقلبه طاير من غير ريش
كان عايز يقولى ولا قاليش
عاوز يقولى ويقول لمين
ازاى حزين يسمع لحزين
الليل نطق واحنا ساكتين
كان عايز يقولى ولا قاليش
عيونه بصوا تحت وفوق/فوج
غريق بيصرخ تحت الموج
اه لو اتكلمت يا شوق
كان عايز يقولى ولا قاليش

غناء: محمد فتحى - عام 1981

وهاتسافر - عبد الرحمن الابنودى

وحتسافر وحتسيبني هنا للشوق يدوبني
اعد الثانية قبل اليوم واحلم بيك وانا صاحي واحلم بيك في عز النوم
وحتسافر وحتسيبني هنا للشوق يدوبني
تشاورلي بمنديلك ويجري البعد بيك عني
ولا اشبع من مراسيلك ولا من ناس تطمني
ونار تصحى في قلوب وضلوع واكتب لك جوابي دموع
واعد الثانية قبل اليوم واحلم بيك وانا صاحي واحلم بيك في عز النوم
وحتسافر وحتسيبني هنا للشوق يدوبني
تسافر طب وانا والويل تسيبنا لمين يهدينا
تسيبنا ازاي كدة لليل تسيبنا ازاي لوحدينا
لشوق بيبعد المشوار ونار البعد نار النار
اعد الثانية قبل اليوم واحلم بيك وانا صاحي واحلم بيك في عز النوم
حبيبي هات ايديك هاتها اخبي فيها احلامي
وايامي وضحكتها دا انا بوصيك بايامي
وبوصيك باللي شفته معاك وبوصيك باللي فايته وراك
اعد الثانية قبل اليوم وبحلم بيك وانا صاحي وبحلم بيك في عز النوم
وحتسافر وحتسيبني هنا للشوق يدوبني

غناء: نجاة الصغيرة - الاذاعة - اسطوانات صوت القاهرة 1964

كل الكلام - عبد الرحمن الابنودى

كل الكلام .. قلناه
وادينا .. زي ما احنا
لو يوم جميل عشناة
كانت هانت جروحنا
حبيبي إنت غاوي
دايماً تقول كلام
لو الكلام بيداوي
ليه حاسة بالام؟
كل الكلام قلناه
إن كان على العتاب
عاتبتك لما دبت
لا جرح قلبي طاب…
وانا رقة كلامك بتخليني اعود
واكدب جرح قلبي واصدق وعود
منين بتجيب كلامك؟…
كلام جميل بيعجب
خلاني أقول لجرحي…
يا جرحي لية بتكدب
كدبك غريق وياما
خدني لأحلام سعيدة
واخاف امشي في طريقي
وارجع منة وحيدة
حبيبي إنت غاوي
دايما تقول كلام
لو الكلام بيداوي
ليه حاسة بالام؟

غناء: نجاة الصغيرة - عام 2018

حسب الميعاد يا حبيبى - عبد الرحمن الابنودى

هيلا هيلا هلى يا سفينة
هيلا هيلا خشى احلى مينا
هيلا هيلا بيتنا واتلاقينا
هيلا هيلا النور بيطل هيلا هيلا
ويبوس الكل هيلا هيلا
يا مساء الفل هيلا هيلا
حلوة حلوة يا بلدنا
أيوا يا أولادنا جينا في ميعادنا
والله جينا في ميعادنا
طارت طيور البحر فوق الميناء تاني
وآدي السفاين داخلة في أحضان الموانئ
مش قولتلك كله بميعاد حسب الميعاد
حسب الميعاد يا حبيبي
حسب الميعاد جينا
وادينا يا حبيبي ماشين على المينا
حسب الميعاد يا حبيبي
من كام سنة بحلم بليلة لقانا
تعبت ليالى الشوق معانا
واهى رجعت الاعياد
والمينا والاولاد
وان جانا واتقابلنا هنا حسب الميعاد
حلوة حلوة يا بلدنا
أيوا يا أولادنا جينا في ميعادنا
زغروطة يا موج القنال زغروطة
جينا الليلة نكمل الحدوتة
يتقابل اللي غايب ويفرحوا الحبايب
وتنور الفنارة
وامشي انا وحبيبي حوالين المينا تاني
يا شمس الحزن غيبي يا شمس الفرح باني

غناء: نجاة الصغيرة - حفل اضواء المدينة ببورسعيد بمناسبة استئناف النشاط الملاحى لقناة السويس 1975

حمد الله على السلامة - عبد الرحمن الابنودى

حمد لله ع السلامة يا ابو أجمل ابتسامة
يا ما دقيت في بعدك على باب الصبر يا ما
يا ما استنيت وحيدة وانت في بلاد بعيدة ما توصلهاش ملامة
قرب قرب قرب، قرب عليا قرب يا قلبي يا متغرب
واطير حواليك واحوم واطير الهموم
عطش السنين بحاله ترويه انت في يوم
قرب قرب قرب، قرب عليا قرب يا قلبي يا متغرب
جانا القمر الليلة وسهرنا عشانه يا ما
حمد لله ع السلامة
بلاش البعد تاني
تغيب عن عيني تاني
بلاش تغيب عن عيني تاني
كأنك طير مهاجر بعيد ونسيت مكاني
لما الزمان جمعنا اصبح للدنيا معنى
واذا اتفرقنا يفض في الدنيا كل معنى
ورد الاشواق صحي يا روحي فتحي
وانت يا طيور عالية بجناحك لوّحي
جانا القمر الليلة وسهرنا عشانه يا ما
حمد الله ع السلامة

غناء: نجاة الصغيرة - فيلم "جفت الدموع" 1975