البحث

‏إظهار الرسائل ذات التسميات محمود اسماعيل جاد. إظهار كافة الرسائل
‏إظهار الرسائل ذات التسميات محمود اسماعيل جاد. إظهار كافة الرسائل

قوم وصبح ع الزهور - محمود اسماعيل جاد

قوم وصبح ع الزهور واتهنى بيها
قوم وسلم على الطيور يالا ولاغيها
قوم وشوف الدنيا نور اللى انت فيها
قوم وسبح للغفور اللى راعيها
الزهور بتسامر النسمة العليلة
والطيور فوق الغصون رايحة وجاية
والحياة حلوة ومبتسمة وجميلة
والنعم قدام عينيك زايدة وسخية
كل ده من فضل رب الكون علينا
كل شئ بيسخره ما بين ايدينا
احمده واشكر عطاه
واذكره واطلب رضاه
قوم وصبح ع الزهور واتهنى بيها
قوم وسلم على الطيور يالا ولاغيها
قوم وشوف الدنيا نور اللى انت فيها
قوم وسبح للغفور اللى راعيها
شوف نعيم الدنيا واتأمل فى حالها
شوف آيات الله فى صورة مخلوقاته
شوف طلوع الشمس واتملى بجمالها
كل كائن حى من قدرة آياته
كل ده من فضل رب الكون علينا
كل شئ بيسخره ما بين ايدينا
احمده واشكر عطاه
واذكره واطلب رضاه
قوم وصبح ع الزهور واتهنى بيها
قوم وسلم على الطيور يالا ولاغيها
قوم وشوف الدنيا نور اللى انت فيها
قوم وسبح للغفور اللى راعيها

غناء: حورية حسن

ميل يا جميل - محمود اسماعيل جاد

ميل يا جميل كلمنى بعيونك الحلوين
هو انت زعلان منى ولا احنا متخاصمين
ميل يا جميل
عاهدتنى على الوفا اول ما حبيتك
بينى وبينك صفا عمرى ما جافيتك
تعطف عليا واعطف عليك
وتحن ليا واميل اليك
وبعد ده تعاتبنى وتلوم مع اللايمين
هو انت زعلان منى ولا احنا متخاصمين
ميل يا جميل
مكانش ودى كده وانت امل حبى
هو كلام العدا نساك هوا قلبى
ده انت نعيمى وانت الحياة
ولجرح قلبى حبك دواه
لما انت بتكدبنى امال تصدقنى
هو انت زعلان منى ولا احنا متخاصمين
ميل يا جميل
نظرة عيونك امل يسعدنى فى دنيتى
وانا بهواك اكتمل سعدى وكان فرحتى
متكونش قاسى خليك حنون
ده انت يا غالى نور العيون
ميل يا جميل كلمنى بعيونك الحلوين
هو انت زعلان منى ولا احنا متخاصمين
ميل يا جميل

غناء: سيد اسماعيل - عام 1958

يا غرامى ليه - محمود اسماعيل جاد

يا غرامى ليه حبيبى طال بعاده يا غرامى
بيواعدنى ولا يخلف معاده ليه يا غرامى
لما انت عارف انه قاسى فى المحبة
ليه يزيد النار فى قلبى ويلاوعنى
كنت فاكر راح يطمن قلبى حبة
واشتريته يا غرام وازاى يبيعنى
كان مرادى يبقى راضى
عن هوانا يا غرامى ليه
صونت عهده يا غرام لما هويته
قولتله روحى فداك وانت اللى ليا
ذنبى ايه ينسى هوايا ايه جنيته
يظلم الروح بالجفا ويزيد اسية
كان مرادى يبقى راضى
عن هوانا يا غرامى ليه
امتى يصفى والهنا يرجعلى تانى
والليالى الحلوة تسعدنا فى غرامنا
والحبيب هو امل فرحة زمانى
والحياة من غيره نار والقرب جنة
كان مرادى يبقى راضى
عن هوانا يا غرامى ليه

غناء: سيد اسماعيل

مين زيك مين - محمود اسماعيل جاد

مين زيك مين بين الحلوين
الورد تكون ولا الياسمين
مين زيك بيهنى الروح
والروح والعين بيعزوا هواه
مين زيك بيداوى المجروح
بلقاه وصفاه وبحسن بهاه
اه الناس حبوك من يوم شافوك
بالذوق والخفة يا زين وصفوك
فى الكون لفيت زيك ما لقيت
مين زيك قالوا عليه يا جميل
البدر يغير لو طل عليه
مين زيك مين لو جاله عليل
من نظرة السعد يبان حواليه
لو تخطر كلك تيه ودلال
فى الحسن خيال والسحر حلال
فى الكون لفيت زيك ما لقيت
مين زيك قالوا عليه يا جميل
مين زيك مين يا اعز حبيب
ايامى معاك كلها افراح
انا كنت وحيد فى الدنيا غريب
وبحبك قلبى خلاص ارتاح
فى الدنيا جمالك زيه مفيش
محروس من العين تسلم وتعيش
فى الكون لفيت زيك ما لقيت
مين زيك قالوا عليه يا جميل
مين زيك مين بين الحلوين
الورد تكون ولا الياسمين

غناء: عبد العزيز محمود

يا طالب الغفران - محمود اسماعيل جاد

يا طــــالب الغفران
و الرحمة م الرحمن
سبـــــــــح بأسم الله
فى كل آن و مكـــان
اشكر فضايله عليك
دا الفضل كــله اليه
خيـراته بين أياديك
هو تـــــــوكلنا عليه
ربك كـــريم موجود
واحد أحد معبـــــود
فى كل شئ مقصود
عاطى كـــــريم ديان
فى فــــــرحتك و أساك
أنعم عليك بـــــــرضاه
خلق الـــوجود لرضاك
فاكــــــرك و ليه تنساه
توب ع اللى فاتك توب
يا فرحة اللى يتـــــوب
السعد له مكتـــــــــــوب
يوم وقـــــفـــــة الميزان
أمشى فى طريق النور
تلقى الحياة أفـــراح
لما تعيش مستـــــور
فى دنيتك تــــــرتاح
وحد اله الكـــــــــون
ربك يكون فى العون
لو كان عزيز بيهون
بالصبر و الإيمــــان
يا طــــالب الغفران
و الرحمة م الرحمن
سبـــــــــح بأسم الله
فى كل آن و مكـــان

غناء: محمد قنديل

ملحمة ادهم الشرقاوى - محمود اسماعيل جاد

أدهم
منين أجيب ناس لمعنات الكلام يتلوه
شبه المؤيد إذا حفظ العلوم وتلوه
الحادثة اللي جرت على سبع شرقاوي
الاسم أدهم لكن النقب شرقاوي
مواله أهل البلد جيل بعد جيل غنوه
كان في البلد باش أغا حاكم لكن غدار
مسخر أهل البلد في زراعته ليل ونهار
اللي يخالفه يا ويله كان عذابه شديد
حاكم بأمره ومستعبد كبار وصغار
الخلق في العزبة كانوا مظلومين جعانين
والباش أغا كان حارمهم من الطعام مساكين
وكان كبير البلد الحاج شرقاوي
راحوا عشان يشتكوا له من الظلم والظالمين
وبسرعة وصل الخبر للباش أغا الغدار
رسم أوام خطته مع شلة الأشرار
وقال كبير البلد الحاج شرقاوي
في وسط أهله وناسه ينضرب بالنار
البنت قالت لأبوها ع الخبر دوغري
قالت ناداني الأغا ومنه جيت أجري
ندرٍ عليا يا أبويا إن خدتني بتاري
لأسقي البلد شهد وأوفي للحسين ندري
أبوها سمع الكلام قال اشهدوا يا ناس
الموت ده أحسن لنا لو الشرف ينداس
قبل ما يخلص كلامه جاله عيار صايب
ومات كبير البلد والفاس وقع في الراس
أدهم دخل مدرسة سنه كان ١٢
وتنه في المدرسة لما بلغ ١٨
وهو في السن ده جاله خبر عمه
على إنه مات والتلامذة جوله واتلموا
قالوله يا أدهم بتبكي والبكا ده ليه
قال ده أنا عمي اتقتل برصاص غدار
من ناس قلوبهم حجر قاسية وجبارة
قالوله احنا معاك ع الحلوة والمرة
ده احنا حياتنا يا أدهم بقت خلاص مرة
دلوقتي آن الأوان والدنيا دوارة
قال تحرم الراحة طول ما الخونة دول عايشين
ويحرم النوم علينا وهما موجودين
أنا أدهم اللي هيخدم أهله وبلاده
أنا أدهم الحر أهلي كلهم حرين
وفي ليلة أدهم دخل قصر الأغا بليل
وفي الخزانة شاف الدهب عند الأغا بالكيل
وقال يا باش أغا
أنا أهو أهو كله بحسابه
المال يا ظالم هيرجع تاني لأصحابه
أما انت يا باش أغا حسابنا لسة تقيل
راح في البلد قالهم يا ناس دلوني
اللي قتل عمي فين لطريقه وروني
راح دوغري ع الباش أغا والسلاح في إيديه
فرغ رصاصه في تلاتة كانوا ملمومين حواليه
وبعزم صوته صرخ انا لسه تار عمي
حضرت حكومة البلد على طول وقبضوا عليه
وجيه ميعاد المحاكمة في محكة جنايات
واتلمت الخلق رجالة على ستات
حكموا عليه بالمؤبد
عالقاضي رد وقال
أنا قصاد عمي مايكفينيش ألوفات
أهل البلد كان حداهم مال عدية
وكانوا ناس كلهم أعيان وأغنية
دفعوا لأدهم بدل الجنيه مية
واستأنفوا الحكم أصبح سجن 6 سنين
وف يوم وليلة صبح أدهم مع المساجين
في السجن أدهم قعد ومكانش ولا همه
غير إنه يبحث ويعرف مين قتل عمه
ولما عرفه ناداله وقاله تعالالي
ده انا عشان أعرفك كان التمن غالي
تعالى ياللي عليك العين بتدور
يا شبه قنديل في وسط البيت ومنور
لو كنت عطشان أجيب ماء الزلال وأسقيك
وإن كنت عريان أجيبلك من الحرير وأكسيك
وفي لحظة خلص عليه وخد بتار عمه
وأما قالوله يا أدهم ليه قتلته ليه
قال وانتوا لما انقتل عمي عملتم إيه
حكموا عليه ينسجن وحده في زنزانة
قام انتنى وانفرد ما همه زنزانة
وقع حطانها وهرب والبحث جاري عليه
أدهم لما هرب ناس من العرب قابلوه
واستقبلوه بالكرم من وقت ما عرفوه
وأما حكى قصته على مسمع العربان
قالوله تسلم ودوغري في الخيام خبوه
وصل الخبر للأغا بات الأغا سهران
قال للغفرا دوروا عنه في كل مكان
راحوا لأدهم قابلهم بملابس العربان
قالوا يا شيخ العرب ماجالكش شخص غريب
رد عليهم أدهم وقال
عدى بقاله زمان
شيخ العرب التفت قاله يا مرحبتين
أهلا يا زين الرجال ياللي عليك العين
قاله يا شيخ العرب طريقي لسة طويل
خلاص نويت ع الرحيل والقلب باكي حزين
وبعد ما ودعوه والكل قلبه عليه
فكر في بدران وهو في الطريق رايح
رايح يطل عليه ده أصله طيب
أدهم بسرعة وصل للصديق بدران
أول ما شافه بكي قابله بالأحضان
قاله يا صاحبي أنا خايف عليك منهم
والبحث جاري عليك يا أدهم في كل مكان
بعت جواب للأغا ويقول أنا أدهم
اللي قابلكم بلبس البيت ومعرفتوش
وياما بكرا تشوفوا من حيل أدهم
قدر عليكم وبس انتوا اللي ماقدرتوش
وتنه رايح على تيه البارود هزه
استقبلوه بالحرس حتى الطابور هزه
كراكون شرف معتبر مخصوص عشان الأدهم
الكل حياه ولا حدش هناك هزه
راح الخبر للباش أغا بعد السلاح ما اتلم
وبات في ليلته في حيرة من النكد والهم
يا فرح قلبي
بعت جواب للأغا وقاله فيه تاني
أدهم في بيته تعالوا كلموه في البيت
وفي لمحة البدر قامت قوة جبارة
متحصنة بالسلاح ضربت حصار ع البيت
أدهم يا ناس كان جميل سبحان من صور
لبس قميص سندسي منقوش ومقور
في إيده شمعة ونوَّر للأعادي البيت
قالوله يا بنتي دلينا أدهم فين
قال ده أدهم جمعله من الرجال ألفين
وأنا بدي أشوفه ولو نقصت عيوني عين
نرجع لبدران وما في قلبه من الأسرار
وعشق بدران وحبه لست الدار
وفكر الباش أغا في حيلة لست الدار
فكر يجيبها ويحبسها حداه في الدار
بعتلها الباش أغا مع ناصر العزبة
قالتله لأ مش هروح ولو هنضرب بالنار
رجع بخبية أمل الباش أغا ويقول
مرضيتش تيجي معايا ومخها مقفول
يا فرح قلبي
لبس ملابس خواجة وراح يقابلهم
عربي فرنساوي بكل لسان كلمهم
ولا حد منهم عرف إن اللي قابلهم
هو اللي مقصود عليه العين وهو أدهم
بعت جواب للأغا قاله تلاقوني
لو تبحثوا في الجبل عني تلاقوني
اللي عايزني يجيني في الجبل بره
أنا في انتظاركم تعالوا ونازلوني
ودارت المعركة واتفجر البركان
والجرحى كانوا ألوف من ضمنهم بدران
بدران دخل عليه المغارة
وقاله يا أدهم أنا صديقك بلاش تقتلني يا أدهم
دي بنت عمك أسيرة في بيت الباش أغا
أدهم بعت وجابله طبيب عشان علاج بدران
سمع الكلام من صديقه قال يجوز معقول
وتنه رايح على دار الأغا على طول
وشاف حصار البلد ما اهتم بحصارها
وأما وصل سمعه بيزعق وكان بيقول
ضروري أدهم يموت وينضرب بالنار
ومسيره بكره هييجي من أجل ست الدار
أدهم هجم بالسلاح ضربه عيار صايب
ولما شاف بنت عمه قالتله الأسرار
خد بنت عمه على دارها يوصلها
وحكيتله ع اللي في بالها وع اللي ما جرالها
يا حزن قلبي
بدران يا ناس من زمان بيحب ست الدار
والبحث جاري عليه كان عندها في الدار
الوالي دوغري أمر عشان يجيب بدران
وأمره يقتل صديقه لو كان في أي مكان
بدران بقى في دنيا غير الدنيا من الأفكار
قعد يفكر في أخوه أدهم وست الدار
يا حزن قلبي
وراح له تاني وكان الوقت لسة نهار
وقابله الأدهم وقاله هلت الأنوار
ولا كانشي يعرف صديقه إنه هايخونه
ولكل آخر نهاية الزمن دوّار
قاله صباح الخير أنا جيت يا باشا
أنا جبت لك الفطور ونسيت أجيب لك العشا
قاله يا خوفي يا صاحبي يا بدران لا يكون لي ده آخر عشا
وفي لحظة داس ع الزناد طلع العيار صايب
لا كل فطوره ولا استنى ميعاد عشا
أمانة يا من تعيش العمر بعديا
لا يوم تآمن لمخلوق ولا تبكي عليه
صاحبي غدر بي وفات الدنيا قبليا
غدر بصاحبه اللي كان روحه وضي عينيه
ومنين أجيب ناس لمعنات الكلام يتلوه
شبه المؤيد إذا حفظ العلوم وتلوه
الحادثة اللي جرت على سبع شرقاوي
الاسم أدهم لكن النقب شرقاوي
مواله أهل البلد جيل بعد جيل غنوه

غناء: محمد رشدى - اسطوانات صوت القاهرة 1964

عشاق المحاسن - محمود اسماعيل جاد

عشاق المحاسن يابة بالغالى اشترونى
ارضى بهم وهاود يابة لو جم يخطبونى
لو جانا يابة وقال على المهر متغلوش
وبايه يفيد المال لو قلبى مايحبوش
واللى هوانا مالشارينا مامعهوش
احبابه جاين لك يابة عاوزين يشبكونى
ارضى بهم وهاود يابة لو جم يخطبونى
دا اليوم دا بتمناة ويا الصبايا زين
من بدرى بستناة واليوم بيفوت بسنين
واللى نصيبى معاة اسمر كحيل العين
احبابه جاين لك يابة عاوزين يشبكونى
ارضى بهم وهاود يابة لو جم يخطبونى
لو جانا يابة وقال على المهر ماتغلوش
وبايه يفيد المال لو قلبى مايحبوش
واللى هوانا مال شارينا مامعهوش
احبابه جاين لك يابة عاوزين يشبكونى
ارضى بهم وهاود يابة لو جم يخطبونى

غناء: هدى سلطان - عام 1957

اكتب لنا يا قاضى - احمد عدوية /اشعار/ محمود اسماعيل جاد


الليلة دي ليلة فرح
ليلة هنا وسرور
ليلتنا زي النجف
والورد في البنور
عرايسنا قاعدين قمر
ومعازيمنا زايدين علينا نور
اكتب لنا يا قاضى كتب الكتاب الليله
مادام ابوها راضى وراضية كل العيلة
اكتب لنا على السنة وفرح الاحباب
دريوا الحبايب جونا يباركوا للخطاب

اكتب لنا يا قاضى
غناء: احمد عدوية
كلمات: محمود اسماعيل جاد
الحان: ابراهيم حمودة
الاصدار فى: البوم "سلام مربع"
السنة: 1977
التصنيف: اغانى افراح

اه يا لمونى - محمود اسماعيل جاد

أه يالمونى يالمونى يالمونى يالمونى
أه يالمونى بهواك ياصغير
أه يالمونى وهواك بيحير
أه يالمونى فى العشق لمونى يالمونى
أه يالمونى
أه يالمونى علشان ماهويتك
أه يالمونى وف قلبى دريتك
أه يالمونى فى هواه ظلمونى يالمونى
أه يالمونى قربو بيحلالى
أه يالمونى هوه الى ف بالى
أه يالمونى باركو وهنونى يالمونى
أه يالمونى يالمونى يالمونى يالمونى

غناء: عائشة حسن وسيد اسماعيل - فيلم "نداء العشاق" 1960

فرحتنا يا هنانا - محمود اسماعيل جاد

فرحتنا يا هنانا 
بالدنيا وانوارها شوف نعمة مولانا
واتملى باسرارها فرحتنا يا هنانا
سبحان اللى مصور
ومغير أشكالنا لحياتنا بينور
ويسهل احوالنا والرسم المرسوم
والرزق المقسوم مكتوب لك ح تشوفه
فى حياتك معلوم فى صباحك ومساك 
شوف نعمة مولاك واتملى باسرارها
فرحتنا يا هنانا 
قوم افرح واتهنى 
بجمال الفجريه دا الكل بيستنى
لنسيم الصبحيه والطير ع الاغصان 
والورد الفتان والميه والخضره 
من صنع الرحمن فى صباحك ومساك 
شوف نعمة مولاك واتملى باسرارها
فرحتنا يا هنانا

غناء: عبد الحليم حافظ - عام 1954