يا صانع المعروف - كارم محمود /اشعار/ ابراهيم رجب

يا صانع المعروف

خالص لوجه الله

اجر الجميل معروف

والطيبات لله

ياما عاونت الغير

من غير جزاء تبغيه

واللى بيزرع خير

يوم الحصاد يجنيه

وان دارت الايام

يصبح طريقه سلام

فى كل خطوة يشوف

عين الاله ترعاه

يا صانع المعروف

والطيبات لله

يا صانع المعروف

خالص لوجه الله

اجر الجميل معروف

والطيبات لله

سهم العداوة يطيش

ويعود على اللى رموه

واللى لنفسه يعيش

طول الحياة مكروه

وتصادق الاحساس

نملك قلوب الناس

اصل الحنان موصول

للى الزمان عاداه

يا صانع المعروف

والطيبات لله

يا صانع المعروف

خالص لوجه الله

اجر الجميل معروف

والطيبات لله

قول للى ماله قليل

ولو بعطفه يجود

ده العطف اصله جميل

والجود من الموجود

والدهر ياما مال

على عبيد المال

وفات على الملهوف

بعد الشقا هناه

يا صانع المعروف

والطيبات لله

يا صانع المعروف

خالص لوجه الله

اجر الجميل معروف

والطيبات لله

 

يا صانع المعروف

غناء: كارم محمود

اشعار: ابراهيم رجب

الحان: كارم محمود

انا بحبك - شريفة فاضل /اشعار/ ابراهيم رجب

كلمة انا بحبك

بكلمة قولتهالى قوام شغلت بالى

اربع خمس ليالى كلمة انا بحبك

علمتنى الغرام حرمتنى المنام

من يوم ما قولتهالى كلمة انا بحبك

يا اغلى من عيونى ريحنى من ظنونى

وقولى مين فى قلبك ياريت اكون انا

من السعيد بحبك ياريت اكون انا

وان كان عليا انا عنك ماليش غنى

قولى بكلام صريح بتحبنى صحيح

او بس قولتهالى كلمة انا بحبك

انا بحبك
غناء: شريفة فاضل
اشعار: ابراهيم رجب
الحان: سيد اسماعيل
التصنيف: عاطفى

ازرع محبة - عائشة حسن /اشعار/ ابراهيم رجب

ازرع محبة تجمع احبة

وعشرة حلوة وبكرة ياما

تلقى السلامة فى كل خطوة

نقى تقاوى ياللى انت ناوى تزرع جميل

وابدرها بدرى مطرح ما تسرى تطرح جميل

وفى كل مطرح تسعد وتفرح

وبكرة ياما تلقى السلامة فى كل خطوة

ازرع محبة

اللى يحبك اوهب له قلبك تلقى الامان

واخلص فى قصدك تنجح مقاصدك

طول الزمان

وفى كل مطرح تسعد وتفرح

وبكرة ياما تلقى السلامة فى كل خطوة

ازرع محبة

ازرع محبة

غناء: عائشة حسن

اشعار: ابراهيم رجب

الحان: سيد مصطفى

التصنيف: اغانى صباحية

رشا - ابراهيم رجب

حَبِيْبِة بَابَا (رَشَا)

أَمُّوْرِة بَابَا (رَشَا)

كَتْكُوتِة بَابَا (رَشَا)

سَنْيُورِة بَابَا (رَشَا)

في الصبح بدري تصحى

تجري وتقوللي اصحى

وتبوسني أنا وماما

وتملى بيتنا فرحة

مشيتها غنوة رقيقة

ضحكتها حلوة بريئة

في كل يوم نضيفة

وف طبعها لطيفة

حبيبة بابا رشا

دي نبيهة وطالعة شاطرة

تقعد تكتب وتقرا

ترسم عصفور وشجرة

وتعِدِّ لحد عشرة

يا غنوة الأغاني

يا بسمة الأماني

يا معطرة زماني

دي روحي وعقلي رشا

وِف آخر السنة تجيني

وتقول بابا حييني

ناجحة عشرة على عشرة

والأبلة بتحييني

أفرح وادعي لها بقلبي

واقول اسعدها يا ربي

دي رشا غنوة عمري

دي روحي وعقلي رشا

غناء: محمد ثروت - البوم "رشا" 1981

طول ما انت بتحبنى - احلام /اشعار/ ابراهيم رجب

طول ما انت بتحبنى بالورد هاستناك

وادوس على الاشواك فى طريقى واتهنى

ومادمت بتحبنى شوك الحياة هايهون

والمر مهما يكون بالحب يحلى لنا

طول ما انت بتحبنى

حبك نورلى حياتى وفى ظله لقيت اهاتى

صبح افراح يا حبيبى

والاه لو جت على بالك

فى ساعتها اقولها بدالك

علشان ترتاح يا حبيبى

طول ما انت بتحبنى هاسابق الايام

واحقق الاحلام وننول ما نتمنى

طول ما انت بتحبنى بالورد هاستناك

وادوس على الاشواك فى طريقى واتهنى

ومادمت بتحبنى شوك الحياة هايهون

والمر مهما يكون بالحب يحلى لنا

طول ما انت بتحبنى
غناء: احلام
اشعار: ابراهيم رجب
الحان: محمد الموجى
السنة: 1956
التصنيف: عاطفى

لا متغيرتش - ابراهيم رجب

لاء متغيرش عليا لاء متخافش علياانت فى قلبى لوحدك انت

وكمان هنا فى عنية كمان

ما تغيرش لاء ما تغيرش عليا

بص فى عينى تلاقى نور حبى واشواقى

واطمن وارتاح وارتاح نص العمر اهو راح رااح

ما ضيعش الباقى لاء متغيرش عليا

انت فى قلبى لوحدك انت وكمان هنا فى عنية هنا كمان

لاء لاء متغيرش عليا

يا ما هواك شوقنى خلى القلب سبقنى

واهو دلوقتى معاك غنى وقال اهوااك اهوااك

وحياتك صدقنى لاء متغيرش عليا

انت فى قلبك لوحدك انت وكمان هنا فى عنية هنا كمان

غناء: ليلى مراد

يا هل ترى - ابراهيم رجب

يا هل ترى بتجافي ليه

والغندره والغندره بانت اوام

تتقل علينا ولا ايه ولا احنا مش قد المقام يا هل ترى يا هل ترى

يا ابو العيون الدبلي اعطف عليا وبصلي

بنظرتك ورقتك اجعل حياتي فللي

ده مش كده شرع الغرام ولا احنا مش قد المقام يا هل ترى يا هل ترى

مش قولنا نبقى لبعضنا

سوا في الهنا سوا في الضنا

بعد الوفا ليه الجفا شوف انت فين وفين انا

اتاري وعدك كان كلام ولا احنا مش قد المقام يا هل ترى يا هل ترى

يا ليل يا ليل يا ليل ياااااااا ليل

اعز الحبايب جفاني لم بقالي حبيب

وطال عليا السهر والسهد والتعذيب ولما جسمي انبلى قالولي روح لطبيب

قولت الطبيب يعمل ايه للي جفا خله ده الصبر احسن دوا للي في قلبه لهيب

هصبر على كيد العدى واخبي عنهم كل ده

واضحكلهم واقولهم انا وحبيبي مفيش كده

وكفايه اشوفك في المنام ولا احنا مش قد المقام يا هل ترى يا هل ترى

غناء: كارم محمود

يا نسمة الصباح - احلام /اشعار/ ابراهيم رجب

يا نسمة الصباح يا معطرة الجناح

مليتى جونا بالبشرى والهنا يا نسمة الصباح

وصحينا كلنا في بهجه وإنشراح

نجدد المجال برزقنا الحلال

يا نسمة الصباح يا معطرة الجناح

يا ورد ع الغصون يا ساحر العيون

فرحت قلبنا ببسمة المنى

وبضحكتك لنا كل التعب يهون

نجدد المجال برزقنا الحلال

يا نسمة الصباح يا معطرة الجناح

مليتى جونا بالبشرى والهنا يا نسمة الصباح

يا نسمة الصباح
غناء: احلام
اشعار: ابراهيم رجب
الحان: فؤاد حلمى
التصنيف: اغانى صباحية

حبيبى فى عينيا - ابراهيم رجب

حبيبي في عنيه أجمل من الدنيا .. بزهورها ونورها ولياليها

وليه تلوموني ليه فايدة كلامكم إيه ؟

خدوا مني عيوني .. وشوفوا بيها

بدر السما بينور.. من الليالي ليالي

لكن حبيبي منور .. على الدوام فى خيالي

باهي الجمال في ابتسامته .. زي القمر في تمامه

والطير يغني كلامه .. برقته وأنغامه .. من نظرة والتانية

حاتشوفوه بعنيه ..أجمل من الدنيا .. بزهورها ونورها ولياليها

وليه تلوموني ليه .. فايدة كلامكم إيه ؟

خدوا مني عيوني وشوفوا بيها

ورد الربيع على غصنه .. زاهي وجميل فى أوانه

لكن حبيبي وحسنه .. ربيع وورد زمانه

ولو تميل لغصونه .. شوك العفاف بيصونه

وتحب سحر عيونه .. تنسى الزمان وشجونه

من نظرة والتانية حاتشوفوا بعينه

أجمل من الدنيا .. بزهورها ونورها ولياليها

وليه بتلوموني ليه .. فايدة كلامكم إيه ؟

خدوا مني عيوني وشوفوا بيها

غناء: عبد الحليم حافظ - عام 1954

قولوا باذن الله - ابراهيم رجب

قولوا بأذن الله تحلى الحياة وتروق

واللى الاله وياه مايغلبوش مخلوق

عيش الحياة مخبوز واللى اجتهد هاينول

دي بلادنا فيها كنوز للساعد المفتول

وباتحادنا نفوز بالقصد والمأمول

وقت المظاهر فات والناس بقت اخوات

بين يوم وليلة خلاص ليل المظالم راح

ولقينا منه خلاص ده لكل ليلة صباح

والرك على الاخلاص يهدينا للأصلاح

وقت المظاهر فات والناس بقت اخوات

يا واهبين الروح لله وللأوطان

باب الجهاد مفتوح في كل حين ومكان

والجرح للمجروح شرف كبير ونشان

وقت المظاهر فات والناس بقت اخوات

غناء: عباس البليدى - عام 1952