البحث

‏إظهار الرسائل ذات التسميات محمد عثمان خليفة (ابن الليل). إظهار كافة الرسائل
‏إظهار الرسائل ذات التسميات محمد عثمان خليفة (ابن الليل). إظهار كافة الرسائل

خطبوها اتعززت (مونولوج) - محمد عثمان خليفة (ابن الليل)

خطبوها اتعززت وفاتوها اتندمت
لو كانت اتجوزت مكانتش اتألمت
خطبوها اتندمت وفاتوها اتألمت
عاقلة وكاملة وخفة وعفة وفى العشرين
جه يخطبها الباشا قريبها قالت ده سمين
وحتى دمه تقيل ولا فيه سكس ابيل (Sex appeal)
لكن بقى مركزه يرفعنى فى الصالونات
قعدت كتير تفرزه فوق العشر سنوات
والباشا اتجوز غيرها والخايبة اتلغبط سيرها
يا خسارة وبوزت خطبوها اتعززت
لو كانت اتجوزت مكانتش اتألمت
ام جالها البيه اسم الله عليه من الطق للباب
قدم شبكة لعقد الشركة وقال يا كتاب
قالت ده حتة بيه هاتجوزه على ايه
حتى كمان مركزه مش مركز البشوات
راحت كتير تفرزه راخر عشر سنوات
والبيه اتجوز غيرها والخايبة اتلغبط سيرها
يا خسارة وبوزت خطبوها اتعززت
وفاتوها اتبوزت
لو كانت اتجوزت مكانتش اتألمت
رجعت تانى وقالت يانى ده كله نصيب
قام جالها عريس ووظيفته رئيس ورشة قباقيب
رضيت وقالت عال ده شكله مش بطال
ومستقبله ابهة اكمنه لسة شباب
وهو شاف شكلها وفص ملح وداب
وهى شاب شعرها من الغيظ وضاع عمرها
يا حرام اتنرفزت يا خسارة وعجزت
لو كانت اتجوزت مكانتش اتألمت
خطبوها اتعززت وفاتوها اتندمت

غناء: اسماعيل ياسين

ياللى تملى تحسد غيرك / الحسد - محمد عثمان خليفة (ابن الليل)

ياللى تملى تحسد غيرك بطل قر
سمى وصلى دى عينك مش حتجيبها البر
مرة حسودى شكله قرودى
شافنى قالى اش اومال
نعمة عظيمة قيمة وسيما
وعز وشهرة ومال وجمال
عنها واروح كده بطوح
زى الفرخة الدايخة تمام
عينه الصافية ما خلت عافية
وروشتات معرفش بكام
ولا جه قالى بس ايش حالك بعد الشر
ياللى تملى تحسد غيرك بطل قر
واحد غيره كتر خيره
جانى بسرعه يطل عليا
شاف نجفتنا قالى ديه فتنة
ده احنا ولا فى عز الضهرية
تم الجمله راحت عمله بى
يعنى ما لاحقتش تبات
عينه الصافية راحت طافية
النور واتحرقوا اللمبات
قولتلوا خلى عندك ذوق ولا امشى انجر
ياللى تملى تحسد غيرك بطل قر
واللى هاوسنى وهايفرسنى
واحد غيرهم له كرامات
رمشه صغير ننه يطير
بيت بدورين و ثلاث عمارات
معزة ماما هبدها كرامة
طقت ماتت فى دقيقتين
عينه الصافية تجيب الكافية
ولا مدفع رشاش بروحين
ولا بيجلى كل حياته يا شر اشتر
ياللى تملى تحسد غيرك بطل قر

غناء: اسماعيل ياسين - من تسجيلات الاذاعة المصرية عام 1952

عشرين مليون (مونولوج) - اسماعيل ياسين /اشعار/ محمد عثمان خليفة (ابن الليل)

عشرين مليون و زيادة كانوا عايشين هنا أموات
علشان حضرات السادة البهوات و الباشاوات
كان الفلاح اجري يا مشكاح لأجل اللي قاعد مرتاح
و أبو كرش كبير عامل بنكير في أوروبا فشر سواح
علي الكونكان و علي النسوان في دوفيل و في كان
اصرف كُع ما في الجيب يأتيك يا ابني ما في الغيب
و ما بعد سعادته سعادة أصله وجيه و ابن ذوات
و وراه حضرات السادة البهوات و الباشاوات
عشرين مليون و زيادة
الغني من دول كان قد القول كذا ألف و كذا فدان
كان هو السيد و الباقي عبيد و كلامه مالوش قولان
سجن و ترابيس أحرار محابيس
و العجل أبيس نازل تهليس
يسرق و يقولوا آمين يكفر و يقولوا آمين
و يقولوا ده شيخ سجادة و ولي و صاحب كرامات
خدعوه حضرات السادة البهوات و الباشاوات
عشرين مليون و زيادة
كان عهد فساد أسود و سواد علي شعب أصيل و كريم
و المولي أراد كان بالمرصاد و سمع شكوى المظاليم
كان فرجه قريب و سميع و مجيب
الجيش و نجيب عملوا الترتيب
و بفضل المولي عليه سعدنا تم علي ايديه
و الشعب بقت له ارادة هدت كل الشنبات
و بقينا كلنا سادة و لا بهوات و لا باشاوات
عشرين مليون و زيادة

مونولوج عشرين مليون
غناء: اسماعيل ياسين
اشعار: محمد عثمان خليفة (ابن الليل)
الحان: اسماعيل ياسين
الاصدار فى: فيلم "اللص الشريف"
السنة: 1953
التصنيف: مونولوج - وطنى