شهر العسل - عبد اللطيف التلبانى /اشعار/ زين العابدين عبد الله

يا اهل ودى سعدى اكتمل

والليلة دى رايحين نقضى

شهر العسل فى اسكندرية

كل الحبايب حاضر وغايب

باعتين لنا اجمل تهانى ويا الامانى يوم فرحنا

واحنا نوينا نسعد عينينا بايام هنية

فى اسكندرية

من النهاردة كل الجمال ده من قسمتى

هاتعيش معايا على هوايا فى دنيتى

واجمل ليالى تخطر فى بالى هى اللى جاية

فى اسكندرية

مدام قلوبنا راضية بنصيبنا هانشوف سوا

ايام جميلة من الف ليلة حلم الهوى

والعيشة تحلى وتبقى اغلى مع نور عينيا

فى اسكندرية

شهر العسل

غناء: عبد اللطيف التلبانى

اشعار: زين العابدين عبد الله

الحان: عز الدين حسنى

الاصدار: من تسجيلات الاذاعة المصرية

السنة: 1962

التصنيف: اغانى افراح

عاجبنى حبتين - شريفة فاضل /اشعار/ زين العابدين عبد الله

اكمنك حلو حبة

وعاجبنى حبتين

عن عينى تستخبى

باليوم وباليومين

لو شوفتك مرة صدفة

فى الحى اللى احنا فيه

تدارى فى اى عطفة

مش عارفة قصدك ايه

ان كانت دى قساوة

او كانت دى شقاوة

دى قساوة زايدة حبة

وشقاوة حبتين

ياللى انت بتستخبى

باليوم وباليومين

اكمنك حلو حبة

تتقل والتقل غية

عند الناس الحلوين

ودلالك زاد عليا

اه وده بس يخلص مين

ليه تحرم عينى منك

واسأل تملى عنك

واستنى ترق حبة

او تعطف حبتين

ياللى انت بتستخبى

باليوم وباليومين

اكمنك حلو حبة

علشان بقول عاجبنى

وشايفنى عليك بغير

بين الظنون تسيبنى

وانا عشمى فيك كبير

فهمنى ايه هايجرى

لو تسعد قلبى مرة

وتفكر فيا حبة

وتروق لى حبتين

ياللى انت بتستخبى

باليوم وباليومين

اكمنك حلو حبة

عاجبنى حبتين

غناء: شريفة فاضل

اشعار: زين العابدين عبد الله

الحان: محمد فوزى

السنة: 1964

التصنيف: عاطفى

البلبل والزهرة - زين العابدين عبد الله

(عبدالحليم حافظ)

يازهره نديّه يازهره نديّه .. يازهره نديا يازهره نديّه

يانايمه وحسنك بيشفي العيون ..

ماتصحي يازهره وردي عليّا .. بصبّح عليك بصوتي الحنون

(عصمت عبدالعليم):

يابلبل ياشادي .. يااسر فؤادي .. بنور الصباح

صباحك جمال .. مشفتش مثاله .. يزيدني انشراح

(عبدالحليم حافظ):

نهارك ده نادي .. وجيتك انادي .. ببهجه وسرور

صباح المحبه .. لكل الأحبه .. ياست الزهور

(عصمت & عبدالحليم):

في صوتك اماني .. في حسنك معاني

ولحنك اسرني .. ولونك سحرني ..

وشمس النهار ده .. في كونها جميله

وطالعه تهني جميع العباد

(عبدالحليم حافظ):

ريحتك يازهره تخلي الخميله .. دي جنه بيسعد معاها الفؤاد

(عصمت عبدالعليم):

صوتك بيسري ويطفي الطبيعه .. بـ ثوب المسره وثوب الجمال

(عبدالحليم حافظ):

وكل الجمال زهورها بديعه .. في نشوة عبيرها يتوه الخيال

(عصمت & عبدالحليم):

يامحلا النهار ده في حسنه ونعيمه

ده غنوه جميله يقولها السعيد

يامحلا النهار ده في رقة نسيمه

ده فرحه وبهجه وسلوى وعيد

صباح التهاني لكل الوجود .. صباح الأغاني بسحر وصفاء

بشمس واغاني وزهر وورود .. قلوبنا بتسعد وتحلا الحياة

غناء: عبد الحليم حافظ وعصمت عبد العليم

شربات هنايا - زين العابدين عبد الله

شربات هنايا هافرقه بايديا

على حبايبى واقول ده ندر عليا

الشمع قايد بين زهور مبتسمة

تهدى عبيرها للوجود والنسمة

والحلوة راضية بالنصيب والقسمة

واحبابها من حواليها رايحة وجاية

وانا للاحبة اقول ده ندر عليا

شربات هنايا هافرقه بايديا

الليلة عندى من اعز ليالى

جمالها عمره لم يروح من بالى

خليت اخويا واحد يقول عقبالى

وتبقى ليلتى تبقى زى ليلتك ديا

وانا للاحبة اقول ده ندر عليا

شربات هنايا هافرقه بايديا

هافرق الشربات بايديا واغنى

علشان مفيش فى الدنيا اسعد منى

فى الكوشة قاعد والفؤاد متهنى

وجمب منى عروسة متهنية

وانا للاحبة اقول ده ندر عليا

شربات هنايا هافرقه بايديا

غناء: عادل مأمون

ربك كريم - زين العابدين عبد الله

ربك كريم وتملى فاتح بابه

للى بتوبة نصوحة عاد لصوابه

وقاصد التواب ومن الذنوب لو تاب

هاينول رضاه وهايبقى من احبابه

الله الله الله .. الله اكبر

ربك رحيم هو اللى عالم بينا وبالمكتوب

وبالخطايا لو اراد يهدينا علينا يتوب

ومن شرور الدنيا بينجينا ويمحى ذنوب

واللى يهاب الواحد الجبار

له جنة تجرى تحتها الانهار

والعفو عند الباسط الغفار

ربك رحيم

ربك عظيم قادر وغيره ما يقدر

عزيز فى علاه

كل الوجود سبح بحمده وكبر

وقال الله

فضله مالوش اخر

ولا بينور قلوبنا سواه

سبحانه هو الخالق الرحمن

فى احلى صورة اتصور الانسان

وبعطفه سابل من ستره على الاكوان

ربك عظيم

غناء: فايدة كامل - من تسجيلات الاذاعة المصرية عام 1975

حيرت افكارى / هو القمر قمرين - محمد رشدى /اشعار/ زين العابدين عبد الله

قولى الجمال ده منين حيرت افكارى

هو القمر قمرين والقلب مش دارى

علشان بحب عينيك بسأل تملى عليك

وعلى البعاد انا مقدرشى

اصل العيون بتميل دايماً لكل جميل

وانت جمال موصفشى

فى كل خطوة دلال فى كل بسمة جمال

واللى انشغل بك قال

هو القمر قمرين والقلب مش دارى

حيرت افكارى

ورد الخدود ما احلاه قلبى انشبك بهواه

وتملى صورتك فى عينيا

واللى يهنى الروح لما عينيك بتبوح

وتحكى عن حبك ليا

انا بالجمال مشغول وقلبى لك على طول

ولما اشوفك اقول

هو القمر قمرين والقلب مش دارى

حيرت افكارى

حيرت افكارى / هو القمر قمرين
غناء: محمد رشدى
اشعار: زين العابدين عبد الله
الحان: محمد الموجى
السنة: 1958
التصنيف: عاطفى

مرحب مرحب - زين العابدين عبد الله

مرحب مرحب ياللى

واحشنا بقى له زمان

مرحب مرحب هـــل

هلالك يا رمــــــضان

جيت يا جميل من بعــد غيابك

و الكــــــون قال لك مرحبتين

يا مفــــــــــــرح وياك احبابك

و بحســــــــــــنك بتهنى العين

و لا تخلفش فى يوم مواعيدك

يا مهنينا يا رمــــــــــــــــضان

و المسلم من قلبه يـــــــــريدك

يا مسينا يا رمـــــــــــــــــضان

و نقول مرحب ياللى

واحشنا بـقى له زمان

مرحب مرحب هــــل

هلالك يا رمــــــضان

ليه ما اعرفشى بيحلى صيامك

ياللى صيامك فيه حسنــــــــات

يا سلام سلم على ايــــــــــــامك

فيها نعيم يسعد الاوقــــــــــــات

و اللى يشوف لياليك الحــــــلوة

يعيش مرتاح يا رمــــــــــضان

و يكبـــــــــــــــــر دايما للمولى

بالأرواح يا رمــــــــــــــــضان

و نقول مرحب ياللى

واحشنا بـقى له زمان

مرحب مرحب هــــل

هلالك يا رمــــــضان

يا مسينا بشـــوقنا نحبك

و بتسمعها تمللى نقــول

كل نعيم الدنيا فى قربك

و بنتمنى لقاك على طول

علشان قالوا عليك الغالى

فى الدنيا دى يا رمضان

و بتسعــــــد ايام و ليالى

و احنا ننادى يا رمضان

و نقول مرحب ياللى

واحشنا بـقى له زمان

مرحب مرحب هــــل

هلالك يا رمــــــضان

غناء: محمد قنديل - صورة غنائية "تفاريح رمضان" 1955

المعجبانى - زين العابدين عبد الله

المعجباني .. المعجباني .. المعجباني

اللي عليه النية بيحبني و تملي قلبه عليا

اللي عليه النية بيحبني و تملي قلبه عليا

المعجباني المعجباني العجبــــــــــــاني

المعجباني يسلامولي عيونه من كتر

حبه حلفت عمري ما اخونـــــــــــــه

و فى كل لحظه بقول يا رب تصونه

ولا حد يشمت من العــــــــوازل فيا

هو الحبيـــــــــــ،ب اللي عليه النيــه

المعجباني .. المعجباني .. المعجباني

اللي عليه النية بيحبني و تملي قلبه عليا

اللي عليه النية بيحبني و تملي قلبه عليا

المعجباني المعجباني العجبــــــــــــــاني

المعجباني بين رموشي هشيله و عشان

و عشان شاريني مش راح انسي جميله

و إن دق قلبي يبقي بيغنيلو غنوة محبه

كلها حنيه... للمعجباني اللي عليه النيه

المعجباني .. المعجباني .. المعجباني

اللي عليه النية بيحبني و تملي قلبه عليا

اللي عليه النية بيحبني و تملي قلبه عليا

المعجباني المعجباني العجبــــــــــــــاني

المعجباني مش غريب على العيله ده

ابن عمي و جاي يزورنا الليله يطلب

ايديا و تبقي ليله جميله ..... لو ابويا

وافق و امي قالت ليا مبروك عليه النيه

المعجباني .. المعجباني .. المعجباني

اللي عليه النية بيحبني و تملي قلبه عليا

اللي عليه النية بيحبني و تملي قلبه عليا

المعجباني المعجباني المعجباني

غناء: نجاح سلام - اسطوانات صوت القاهرة 1960

اه من الحبايب - زين العابدين عبد الله

آه مـن الحبـــــايب كــلهم .. قاسيين تملـِّى فى حبهم

لا بينصفونا و لا يرحمونا .. و برضه نسأل عنـُّهم

رحت اشتكى لاهل الهوى ، لما التقيت قلبي انكوى

سـألت فيــن ألقـى الدوا .. قالــوا يا ريت نلقاه سوا

دول شافوا زي اللي جرالي

و حــال غرامهم من حـالي

و ليه حبايبنا لما الهوى يصيبنا

لا بينصفونا و لا يرحمونا .. و برضه نسأل عنـّهم

شفت الحبيب قلبى انشغل و فضلت أبنى لى فى أمل

و بعد ما الحلم اكتـــمل .. رجـعت اقـول إيــه العمل

و بين حبيبى و عزولي

أسمع حبايب يقولولي ..و ليه حبايبنا لما الهوى يصيبنا

لا بينصفونا و لا يرحمونا .. و برضه نسأل عنـّهم

كان ظني أيـــام الهنـــا .. هاتدوم ونســـعد بالمنــــا

لكن لقيت قلبى انضنى .. و اللى انظلم فى الحب انا

و عوازلي بعد ما حسدوني

لما انكويت جُم يواســـوني

و ليه حبايبنا لما الهوى يصيبنا

لا بينصفونا و لا يرحمونا .. و برضه نسأل عنـّهم

غناء: محمد قنديل - عام 1954

يا جاى من جبل عرفات - زين العابدين عبد الله

يا جاى من جبل عـرفات

سلامات يا جميل سلامات

من نور النبى إتمليت

يا هناوتك بحج البيت

من بعد الغياب هليت

مليان م الحرم بركات

يا جاى من جبل عـرفات

سلامات يا جميل سلامات

الكعبة هنا المــــــوعود

و اله العباد مـــــوجود

و مسيره علين يجــــود

و الحجة تصير حجات

يا جاى من جبل عـرفات

سلامات يا جميل سلامات

غناء: محمد قنديل

بنت عمى / قولوا لابوها - زين العابدين عبد الله

قولوا لابوها انا جي بكرة اخطبها

وانا اولى بيها من جميع خطابها

قولوا لابوها يبقى قلبه عليا

دي بنت عمي واشيلها جوة عينيا

وإن كان عليها انا مالي منها ايديا

وهي راضية تكون لي وابقى نصيبها

قولوا لابوها غرامها ساري في دمي

والود ودي في يوم اناسب عمي

وليه يسيبني لوحدي شايل همي

وانا اللي برضه من الغريب اولى بها

قولوا لابوها انا قلبي ياما يريدها

وانا جاي بكرة لاجل اطلب ايديها

ويوم ما يرضى هايبقى عيدي وعيدها

والفرحة تكمل بعد كتب كتابها

قولوا لابوها انا جي بكرة اخطبها

وانا اولى بيها من جميع خطابها

غناء: كمال حسنى - عام 1962

يا اهل المحبة - زين العابدين عبد الله

يا اهل المحبة ادوني حبة من سعدكم

اسعد فؤادي وابلغ مرادي يوم زيكم

يا اهل المحبة ادوني حبة

يا اهل المحبه كل الأحبه شايفين هنا

اشمعنى قلبي مظلوم في حبي واحترت انا

من طول اسايا .. اشكي هوايا .. وبقولكم

يا اهل المحبة ادوني حبة

في الكون نصيبي ويا حبيبي دايما سوا

افضل اتابعه وهو طبعه ينسى الهوى

وان زاد غرامي من غير كلامي يظهرلكم

يا اهل المحبة ادوني حبة

اواعده ويخلف واقابله يحلف مش غلطته

وكل نوبة احسبها توبة في محبته

وبرضه اواعده ويزيد في بعده وابعتلكم

يا اهل المحبه المحبه ادوني حبه

غناء: محمد عبد المطلب - عام 1963

ساكن فى حى السيدة - زين العابدين عبد الله

ساكن في حي السيدة وحبيبي ساكن في الحسين

وعلشان أنول كل الرضا يوماتي أروحله مرتين

م السيدة لسيدنا الحسين

علشان حبيبي زي الغزال يوماتي أهجر حيّنا

وكل واحد عني قال عني عاشق وقلبه مش هنا

وأنا قلبي متحير ما بين السيدة وسيدنا الحسين

ندر عليا لو يميل ويحب يسعد مهجتي

وحياتي أرد الجميل للي هداه لمحبتي

وأقيد بنفسي شمعتين للسيدة وسيدنا الحسين

أفوت على بيت الحبيب أقول جريح يا أهل الهوى

وياريت يكونلي ميعاد والحب يجمعنا سوا

والفرحة تبقى فرحتين م السيدة لسيدنا الحسين

غناء: محمد عبد المطلب - اسطوانات صوت القاهرة

يا قلبى العطوف - زين العابدين عبد الله

يا قلبي العطوف لف الدنيا شوف

قوللي فين حبيبك من بين الألوف

أخاف لا تتوه يا قلبي وتقول الظروف

سنين عمري تعدي يا قلبي الشقي

خطواك ما بتهدي، الغربة تروح وتيجي

مشتاق للجناين والزهر الندي

حبيب ومعاه حبيبه واحنا امتى حنبتدي

حبيب ومعاه حبيبه واحنا لسه حنبتدي

الكل معاه حبيبه واحنا لسه حنبتدي

لف ودور يا قلبي اسعى الليل تلاقي

حبيب مخلص يحبك يكون ع العهد باقي

من سحره وجماله تسقفله الأيادي

لو اطُل في عيونُه القى تاريخ ميلادي

كل ما اطل في عيونه القى تاريخ ميلادي

دوّر اكيد بتلقى دنيا الحب كبيرة

حبيب ليه قلب وافي كل صفاه نبيلة

يهديك الأماني والعشرة الطويلة

معاه اليوم يعدي كل ليله بألف ليلة

نصيحه اسمع يا قلبي روح في كل أرض

حب واختار لقلبك واحد للأبد

نصيحه اسمع يا قلبي دور في كل أرض

حب واختار لقلبك واحد للأبد

يفتح قلبه ليك تلقى كلامه جد

ويقول ليك بحبك حب ما شافه حد

يصرخ ويقول بحبك حب ما شافه حد

أخاف لا تتوه يا قلبي وتقول الظروف

غناء: بحر ابو جريشة - تلحين: زين العابدين عبد الله - البوم "كفاية بعاد"

كفاية بعاد - زين العابدين عبد الله

يا حبيبى يا حبيبى

كفاية بعاد.. كفاية فراق

كفاية

انا مشتاق كثير يا حبيبى

فى دربى انا مشتاق

والزمن فراق

يا حبيبي يا حبيبي

كفاية بعاد كفاية

خليك على طول ويايا

سنتين واقفين ع المينا

سنتين و لا تسأل فينا

صابرين والشوق كاوينا

اسمع يا حبيبى ندايا

قرب هنا يا حبيبى

إوعاك تبعد يوم

آه من ناري ولهيبى

عينيا ما شافت نوم

دايما فكري أنا فيك

م الأحلام بناديك

تعالى الله يخليك

جحيم صبحت دنيانا

ده الطير اللى معدى ومسافر لحداك

رسايل حبى يودي مشتاق لرؤياك

ورسايلنا كتير حملتها العصافير

فيها غرامي دليل

يحكي أحلي حكاية

أبكي بروحي وقلبي

يا غايب عني بعيد

يا قاسى بعادك وحدي

ونيران قلبى تقيد

قاتلانا الاشواق

لحنانك مشتاق

تعالى وكفاية فراق

وشوف لعذابي نهاية

غناء: بحر ابو جريشة - تلحين: زين العابدين عبد الله - البوم "كفاية بعاد"