فين السعادة - شادية /اشعار/ جليل البندارى

فين السعادة فين

منين طريقها منين

فين السعادة يا ناس

عايزة اشوفها قوام

ناس بيقولولى فى كاس

وناس يقولى حرام

بتكون فى راحة البال

وحب بين اتنين

ولا السعادة خيال

مبيشوفوش بالعين

تعيش فى قصر كبير

وفى لحظة تخلى به

وتروح فى عش فقير

تسكن مع اصحابه

تيجى فى شكل عذاب

ولوعة بين قلبين

وبين لقا الاحباب

تبان لهم فى العين

لفيت فى كل مكان

ملقتلهاش وجود

وسألت مية انسان

قالولى للموعود

اللى يكون له نصيب

هى اللى تختاره

تهجر اعز حبيب

وتعيش فى بيت جاره

فين السعادة فين

منين طريقها منين

فين السعادة

غناء: شادية

اشعار: جليل البندارى

الحان: منير مراد

الاصدار فى: فيلم "بين قلبين"

السنة: 1953

التصنيف: اغانى افلام / عاطفى

منايا فى قربك - جليل البندارى

منايا في قربك أشوفك سعيد

واشوف نفسي جنبك ده شيء مش بعيد

منايا أغمض وافتح عينيا

ألاقيك يا روحي بتسأل عليا

وإمتى تفكر يا روح قلبي فيا

واشوف نفسي جنبك ده شيء مش بعيد

يا ما منايا أكون بين إيديك

وتسأل عينيا يا روحي عينيك

لا تكدب عليا ولا أكدب عليك

واشوف نفسي جنبك ده شيء مش بعيد

منايا تقولي ع اللي في ضميرك

عشان بدي أعرف مصيري ومصيرك

تطمن فؤادي اللي لك مش لغيرك

واشوف نفسي جنبك ده شيء مش بعيد

غناء: ليلى مراد - فيلم "الماضى المجهول" 1946

من اغانى فيلم "تمر حنة" 1957 - جليل البندارى

يا تمر حنة

يا تمر حنة يا تمر حنة خليتى بينا وبعدتي عنا

الورد كله كسى الجناين واشمعنى انتي اللى شاردة منا

في الليل بنسأل وبالنهار عشان نبلغ شوق الأحبة

وطال عليهم الانتظار ولا فيش في قلبك ريحة المحبة

كنتي شمعتنا كنتى نور بيتنا كنتي سامرنا والفضل سامرنا

الورد كله كسى الجناين واشمعنى انتي اللى شاردة منا

يا تمر حنة ياتمر حنة

سألت عنك ف كل ناحيه ما حد طمن قلبي عليكي

وقالوا ماتت وقالو صاحية وياما قالوا وعابوا فيكي

الحب عمره ما يتاقل يا ليل بالمال

الحب بالحب مش بالدبلة والخلخال

ما يطمر العيش في خاين العيش

ولا العشرة ولو ساقتوه حلاوة الشهد في فنجان

امر من الصبر

أمرّ من الصبر الصابرين على اللي راح ولا جاش

وف بعده عني أحوش الدمع لم ينحاش

يامية ندامة عا القلب اللي ما تهناش

واللي حبيبه ياعين بيلوف على غيره

يقضى ايامه ف الدنيا لا مات ولا عاش

ياليلي ياليل

ياتمر حنة كايدة الازهار

الفل البلدي منك غيّار

والياسمين الابيض بايت محتار

والورد الاحمر قادت فيه النار

والنرجس ياختي باعت انذار

ياتمر حنه كايدة الازهار

غناء: فايزة احمد - فيلم "تمر حنة" 1957

وانا مالى - محمد عبد المطلب /اشعار/ جليل البندارى

وانا مالى وانا مالى وانا مالى وانا مالى يابوى وانا مالى

عمر الايام ماهاتهنالى طول ما انت بعيد عنى يا غالى

وغلبت أقولك تعلالى تعاندنى وتقول وانا مالى

الشوق ان كان فاض بى وفاض بك واحتار بين قلبى وقلبك

اسألنى عليه عينىّ تجاوبك طول ما انت بعيد عنى يا غالى

لا انا قادر علي بعدك عنى ولا بسمع كلمة تطمنى

ولا طايق حد يكلمنى طول ما انت بعيد عنى يا غالى

ياما نفسي الايام تتحوّل ونعيد الماضى من الأول

واتهنى حداك بعد ما طوّل حرمانى فى البعد يا غالى

وانا مالى
غناء: محمد عبد المطلب
اشعار: جليل البندارى
الحان: محمود الشريف
الاصدار فى: فيلم "الجيل الجديد"
السنة: 1945
التصنيف: اغانى افلام - عاطفى

الحفلات: حفل صوت العرب بالجزائر 1964

تاكسى الغرام - جليل البندارى

يا تاكسي الغرام يا مقرب البعيد
يامسابق الحمام والسكة الحديد
لا لك جناحين ولا موتورين
يا تاكسى الغرام يا تاكسي الغرام
يا تاكسى الغرام يا تاكسي الغرام
انت وهو دور لف ع اليمين كلكم طابور ناحية البنزين
اسألوا الزبون عايز كام جالون
أنا طالب الهوى
دا الهوى هنا ياحبايب قلبنا
وسع انت وهو اوام اوام اوام
وانت خش جوا خطوة للأمام
افتحوا الطريق لتاكسي الغرام
يابرنس موقفك يا حليوة فى منظرك
و الكل يستلطفك والكل يستنظرك
الناس بتعرفك يا تاكسي الغرام
بتشاور من بعيد يا تاكسي الغرام
يا تكسي الغرام يا مقرب البعيد
يا احسن زبون عايز كام جالون
اتنين تلاته خمسة
وحسابك قبل ما انسى ادى خمسة ونمرتين
مرسي يا نور العين
واية تطلب كمان عينيا كلنا
انا طالب الهوى
طب حود من هنا
موجود عندنا
يا تاكسي الغرام يا مقرب البعيد
تسابق الزمن ولا حدش حصلك
وتنادى من زمان يا مين يوصلك
و الورد له اوان يا تاكسي الغرام
والحب مش جديد يا تاكسي الغرام
يا تاكسي الغرام يا مقرب البعيد
يا مسابق الحمام والسكة الحديد
توصل الحبيب يقابل فرحته
و تصادف الغريب يرد غربته
وتبقى للقريب يا تاكسي الغرام
وتقرب البعيد يا تاكسي الغرام
يا تاكسي الغرام يا مقرب البعيد
و الورد له اوان يا تاكسي الغرام
والحب مش جديد يا تاكسي الغرام
توصل الحبيب يقابل فرحته
و تصادف الغريب يرد غربته
وتبقى للقريب يا تاكسي الغرام
وتقرب البعيد يا تاكسي الغرام
يا تاكسي الغرام يا مقرب البعيد

غناء: عبد العزيز محمود - فيلم "تاكسى الغرام" 1954