حبيبى طيب وقلبه طيب
لكن خصامه دايماً قريب
ولجل خاطره بقول بخاطره
اصبر يا قلبى ده الصبر طيب
حبيبى غالى وحبه غالى
وكل مدى بيزيد غلاوة
بيصون ودادى وطبعه هادى
وقلبه ابيض ما يشيل قساوة
وان اتعاتبنا وزعلنا حبة
قوام بيصفى ويزيد محبة
وان كان خصامه دايماً قريب
حبيبى طيب وقلبه طيب
ولجل خاطره بقول بخاطره
اصبر يا قلبى ده الصبر طيب
من كتر حبى عودت قلبى
اعاتبه مرة واسامحه مرة
وان غاب شوية عن نور عينيا
اقول حبيبى هايجينى بكرة
ويهل بكرة بيوم سعيد
وفرح قلبى معاه يزيد
وان كان خصامه دايماً قريب
حبيبى طيب وقلبه طيب
ولجل خاطره بقول بخاطره
اصبر يا قلبى ده الصبر طيب
هافضل احبه واشتاق لقربه
مهما العوازل تقول عليه
ومدام فاكرنى ومش هاجرنى
يا ناس قولولى اخاصمه ليه
دول مهما قالوا الشوق بيكتر
وان ساق دلاله بشتاق له اكتر
وان كان خصامه دايماً قريب
حبيبى طيب وقلبه طيب
ولجل خاطره بقول بخاطره
اصبر يا قلبى ده الصبر طيب
حبيبى طيب وقلبه طيب
غناء: حورية حسن
اشعار: محمد فتحى مهدى
الحان: سيد مكاوى
السنة: 1962
التصنيف: عاطفى