رموش الغزال - فايدة كامل /اشعار/ حيرم الغمراوى

يا رموش الغزال يا كحيلة

يا عيون الحنان يا جميلة

فى همسة رمانى الننى

وفى قلبى عمل هليلة

فى صحراء الحياة وانا هايمة

لاح نور الامل وندانى

ونداه صحى روحى النايمة

وملاه ابتسام وامانى

واخدنا الكلام وسهينا

وبغير العيون ما حكينا

وبنظرة سلام صبحنا

وفى بحر الغرام مسينا

وسبحنا فى امانى نبيلة

يا رموش الغزال يا كحيلة

فى همسة رمانى الننى

وفى قلبى عمل هليلة

ونسيت اللى راح وآلالامه

ولقيتلى طبيب يداوينى

طب قلبى العليل بسلامه

وارتاحت لروحى عينى

هاوهب له حياتى وروحى

والغالى اللى واسى جروحى

ويهون كل شئ لعيونه

على السحر اللى فيها يا روحى

توهنى فى معانى جميلة

يا رموش الغزال يا كحيلة

فى همسة رمانى الننى

وفى قلبى عمل هليلة

هانعيد الحياة من تانى

على اجمل كتير يا حبيبى

يا مبدل انينى اغانى

فى عينيك جنتى ونصيبى

جمعتنا الصدف حنينا

وفى لمحة زمان حبينا

وكأنى معاك طول عمرى

عايشين فى انتظار بعضينا

وعروق المحبة اصيلة

يا رموش الغزال يا كحيلة

فى همسة رمانى الننى

وفى قلبى عمل هليلة

رموش الغزال

غناء: فايدة كامل

اشعار: حيرم الغمراوى

الحان: عبد العظيم محمد

التصنيف: عاطفى

عاد السلام يا نيل - فايدة كامل /اشعار/ حيرم الغمراوى

عاد السلام يانيل، بعد الكفاح المجيد

يا شعب حر اصيل، خلى السلاح فالايد

افرح وكبر وابنى وعمر

عاد السلام يانيل

خرجوا الاعادى من بلادنا الحره

من بعد ما داقوا الهزيمة المره

واتنكست الاعلام وعادت اعلامنا

واتحقق للحق اكبر طفره

عاد السلام يانيل، بعد الكفاح المجيد

يا شعب حر اصيل

الله أكبر ع اللي كان نيتهم

يذلوا مصر وشعبها يشتتهم

طلعت عليهم بورسعيد هزمتهم

ولحدها بعزم الجبال صدتهم

عاد السلام يانيل، بعد الكفاح المجيد

يا شعب حر اصيل

احمى حمى مجدك وخليك ساهر

واذكر ومجد روح اخوك الثائر

اللى روا ارضه بدمه الطاهر

وحمى بلاده من العود الغائر

عاد السلام يانيل، بعد الكفاح المجيد

يا شعب حر اصيل

ارفع لفوق علم العروبه الاكبر

وفى حماه علم السلام الاخضر

وللكفاح خلى السلاح متحضر

تضمن دوام النصر اكتر واكتر

عاد السلام يانيل، بعد الكفاح المجيد

يا شعب حر اصيل

عاد السلام يا نيل

غناء: فايدة كامل

اشعار: حيرم الغمراوى

الحان: محمود الشريف

الاصدار: من تسجيلات الاذاعة المصرية

السنة: 1956

التصنيف: وطنى

الحفلات:

• حفل أضواء المدينة بشركة مصر للغزل والنسيج بالمحلة عام 1957
• حفل سينما دمشق عام 1958
• حفل دار الأوبرا عام 1958
• حفل أضواء المدينة بسينما دمشق بسوريا  بمناسبة الاحتفال بعيد الوحدة عام 1959
• حفل العيد الثامن للثورة بنادى القوات المسلحة بالزمالك اقامته  أقامته إدارة الشئون بحضور جمال عبد الناصر والرئيس السوداني إبراهيم عبود عام 1960 
• حفل العيد السابع لصوت العرب بسينما ريفولى عام 1960
• حفل عيد ميلاد صوت العرب الثامن بنادى الصيد بالأسكندرية عام 1961
• حفل أضواء المدينة باستاد بورسعيد احتفالا بعيد النصر عام 1961
• حفل أضواء المدينة بجامعة القاهرة بمناسبة اليوبيل الذهبى لكلية التجارة عام 1962
• حفل أضواء المدينة أقامته صوت العرب بملعب التيران بالدار البيضاء بالمغرب ضمن سلسلة حفلاتها في البلدان والمدن العربية عام 1962
• حفل أضواء المدينة من ساحة النصر ببورسعيد احتفالاً بعيد النصر عام 1962
• حفل أضواء المدينة بمدينة أسوان بمناسبة مرور 4 أعوام على بدء العمل بالسد العالي عام 1964

حب الجمال - حورية حسن /اشعار/ حيرم الغمراوى

حب الجمال وجمال الحب

هما حياة الروح والقلب

الاتنين هواهم قمر

روحى تميل للهوى

لما صادفنى القمر

صادف فى قلبى هوى

ولا غصن فوق الشجر

الا اما هزه الهوى

ومين يا دنيا

مداقش الحب

حب الجمال وجمال الحب

يا عايشين عاشقين الامل

عيشوا فى دنيا المنى

تلقوا الفؤاد انشغل

عن الشجون والضنا

ومهما طال الاجل

راح يجى يوم الهنا

والصبر حلو فى دنيا الحب

حب الجمال وجمال الحب

حب الجمال

غناء: حورية حسن 

اشعار: حيرم الغمراوى

الحان: محمد صلاح الدين

الاصدار: من تسجيلات الاذاعة المصرية

السنة: 1955

التصنيف: عاطفى

حلاوتهم - فايدة كامل /اشعار/ حيرم الغمراوى

حلاوتهم حلاوتهم

يا جمال ابتسامتهم

من السحر مبقدرش

اتحمل نظرتهم

ده عيون اللى بحبه ..حلاوتهم

خلونى اسير حبه .. حلاوتهم

من اول ما قابلته

وعينيه جت فى عينيا

حيانى وبادلته

بالعين احلى تحية

ولقيته على سهوة

فى قلبى من جوة

وارتاحت له روحى

ولا اعرف مين هو

وعيونه حبيتهم

ولاغونى ولاغتهم

حلاوتهم حلاوتهم

قرب لى وكلمنى

وسألنى على بيتنا

كان قصده يفهمنى

على نية خطوبتنا

من خجلى مردتشى

ومشيت ولا ضلتشى

ويوميها عرف بيتنا

ازاى انا معرفشى

راح جاب كل عيلتهم

شبكونى وحبيتهم

حلاوتهم حلاوتهم

يا جمال ابتسامتهم

من السحر مبقدرش

اتحمل نظرتهم

ده عيون اللى بحبه ..حلاوتهم

خلونى اسير حبه .. حلاوتهم

حلاوتهم

غناء: فايدة كامل

اشعار: حيرم الغمراوى

الحان: محمد الموجى

السنة: اقدم تسجيل حفل كان عام 1961

التصنيف: عاطفى

الحفلات:

• حفل أضواء المدينة باستاد بورسعيد احتفالا بعيد النصر عام 1961
• حفل أضواء المدينة بجامعة القاهرة بمناسبة اليوبيل الذهبى لكلية التجارة عام 1962
  
• حفل أضواء المدينة بمعسكر الجلاء بالإسماعيلية بمناسبة الإحتفال بعيد الطيران ال 32 عام 1964
• حفل أضواء المدينة من استاد الشرقية بالزقازيق ضمن سهرات رمضان حفل ليلة القدر عام 1966

غنى وحب الحياة - حيرم الغمراوى

ياللى تحب الحياة

عيش بالامل تلقاه

يملى حياتك نور

مع كل فجر جديد

اصحى بقلب جديد

كله امل وسرور

ياللى تحب الحياة

كل اللى راح انساه

الا جمال ذكراه

والعبرة باللى يفيض

ولا تنشغل بالغير

غير النصيب ما يصيب

عيش النهاردة سعيد

افرح بكل صباح

وادعى كريم فتاح

يجعل تملى خطاك بالخير وبالافراح

ياللى تحب الحياة عيش بالامل تلقاه

يملى حياتك نور

رب العباد فى سماه ما تشتكى سواه

مين يقصده مجبور

ياللى تحب الحياة

اخلص لكل الناس

وكن حنون حساس

حتى مع اللى عادوك

وابدى بعفو كرام

ده الصلح خير وسلام

خلى العدا يحبوك

ليه الخصام والشرور

ليه العناد والغرور

والله سماح يا ملاح

هو طريق النور

ياللى تحب الحياة عيش بالامل تلقاه

يملى حياتك نور

كل اللى عنده تاب

رجع وقال ندمان

ودار عليه الدور

ياللى تحب الحياة

قدم لروحك خير تلقاه

تلقاه عليك بالخير تلقاه

اكتر واكتر عاد

وعيش بقلب الطير تملى

تملى غنى وطير تملى

متخافش من صياد

اهل الايمان فى امان

ولو المقدر كان

بالصبر والايمان يهون

يهون قضاء الرحمن

ياللى تحب الحياة عيش بالامل تلقاه

يملى حياتك نور

الامر امر الله

والملك ملك الله

واللى فى نعمه مستور

ياللى تحب الحياة

غناء: شهرزاد

مناجاة / الهى حمدا اللهم شكرا - حيرم الغمراوى

إلهي حمدا اللهم شكرا.. اللهم عونا وعفوا وسترا
اللهم هبنا هداك لترضي.. وهبنا ثباتا وعزما ونصرا
اللهم حمدا لذاتك ربي.. وذكرا يساير دقات قلبي
ويملأ كل كياني وفكري.. ويجذب روحي لما قبل عمري
وقبل الوجود وقبل الزمان.. وإذ قلت كن يا وجود فكان
وقدرت رزق الخلائق يسرا.. اللهم حمدا اللهم شكرا
أيارب أدعوا لقومي ونفسي.. وللناس من كل صوب وجنس
بنور المحبة في كل قلب.. وفي كل أرض وفي كل شعب
فأنت الملاذ وأنت الضياء.. وأنت السلام ونبع الصفاء
وأنت بما يصلح الناس أدري.. اللهم حمدا اللهم شكرا

 

غناء: محمد فوزى - عام 1964

ياللى انت بعيد - حيرم الغمراوى

ياللي انت بعيد ..والنار بتزيد.. والقلب شبكته ونسيته..
طال بعدك ليه ؟.. ونويت على ايه ؟
ياخوفي لاتنسى اللي هويته
ياللي انت بعيد
انا اللي قلبي عمره ما مال الا لما شافك يا حبيبي
سلم سلامه ساعتها وقال: لقيت منايا ونصيبي
وعنيك ياجميل ..بعثت مراسيل.. وفهمت كلامها ولاغيته
اه ولاغيته
كان الميعاد ..شهرين اثنين.. حلفت ترجع بعديهم..
من يومها فاتوا كام شهرين ؟ عديت في قلبي ثوانيهم
إبعث لي وقول ..بعدك حيطول ..ولاَّ حتعود للي جافيته
اه اللي جافيته
قالوا حبيبك جاي قريب ..ياهل ترى حيصون وعده ؟
ماليش سواه في الدنيا حبيب ..يواسي نار قلبي فبعده
خايف الأيام ..تطوي الأحلام ..وتضيع أملي اللي بنيته
اه اللي بنيته
بينك وبيني ياروحي بلاد !! وازاي اعيش من غير روحي ؟
ياما خلفت ميعاد وميعاد ..غير اللقاء يشفي جروحي
واللي بقاسيه ..ع الناس باداريه .. ويبان للعين مهما داريته
اه مهما داريته
ياللي انت بعيد ..والنار بتزيد.. والقلب شبكته ونسيته..
طال بعدك ليه ؟.. ونويت على ايه ؟
ياخوفي لاتنسى اللي هويته
ياللي انت بعيد

غناء: محمد فوزى

العشرة هانت - حيرم الغمراوى

العشرة هانت عليك يا قاسي.. وانت ما هنتش
وروحي صانت ودك يا ناسي.. وانت ما صنتش
راح فين كلامك ووعودك.. والابتسامة الفتانة
وفين حنانك وعهودك.. وازاي نسيت دنيا هوانا
يا فايتني وحدي.. أقاسي وجدي
واصبر واداري.. ع الدنيا سهدي
واحبس دموعي.. لتكوي خدي
انا كنت فاكر ايامك.. من طول بعادك حنساها حنساها
اتاريني عايش بغرامك.. بين ذكرياتي وصداها
وف عز حبي.. هجرت قلبي
لنار وغيره.. وشوق مخبي
وياريتني عارف.. ايه بس ذنبي
عايش لحبك طول عمري.. طبعي الوفا مهما جرالي
وان طال علي الايام صبري.. مسيرها يوم راح تصفالي
وتحن ليا.. بعد الأسية
والسعد يرجع.. يفوت عليا
م الفرحة تضحك.. دموع عينيا

غناء: محمد فوزى

من فوق برج الجزيرة - حيرم الغمراوى

من فوق برج الجزيـــــــــرة الله الله على ســـــــــــــــحرها

بــــــــلد العـــــــز الكبيرة العــالـــــــــــــــــــــــــــية عمرها

وشواهد مجدنــــــــــا وبشـــــاير سعدنا

من ماضى عـــــهدنا شــــايفها من هنا

من فوق برج الجزيـــــــــرة الله الله على ســــــــــــــحرها

قـــدامى الأهرمات بتحكى المعجزات وتتـــــــــــحدى الزمن

وأبو الهـــــول الأمين من ألاف الســـــنين حارس ع الوطن

وبعـــــــــــد طـــول ســـكوته نطـــــق وســــــمعنا صوته

ملا بالنور عنينا وحكى لنا عن ماضينا

وأمجادنــــــا الكبيرة والدنيا فى مهدها

من فوق برج الجزيـــــــــرة الله الله على ســـــــــــــــــحرها

وفى حـلوان وشبرا أنا شايف نهضة كبرى ومصانع ع المدد

ثورتــــنا أنشأ تها وبهمـــة دورتها إيـــــــدين مالهاش عدد

إيــــــــدين أبطال زراعــــــــة وإيـــــــدين أبطال صـــــــناعة

والمـد الاقتصادى رفع أعلام بـــــــــلادى

بين كل الأمم الكـــــبيرة وبقينا زيـــــــها

من فوق برج الجزيـــــــــرة الله الله على ســــــــــــــــحرها

ومن بعـــــــيد يا قــــــلبى شايف إيدين حبايبى بتعلى فى البنا

بــــــدعى وأقول يـــــاربى بارك جهاد قرايــــــبى ونولنا المنا

بدولـــــــــــــــــــــة الكرامة والعـــــــــزة والشــــــــــــهامة

إلهى يكون ناصرنا ويكون جمال ناصرنا

وأمالـــنا العظـــــــيمة يـــــــارب تمـــها

من فوق برج الجزيـــــــــرة الله الله على ســـــــــــــــــحرها

غناء: عبد اللطيف التلبانى - عام 1961

يا ليل يا ابو الليالى - عبد العزيز محمود /اشعار/ حيرم الغمراوى

يا ليل يا ابو الليالى

احكيله على اللى بيجرالى

اللى شاغلنى وبات خالى

يا ليل يا ابو الليالى

سافر وقلبى معاه يرعاه ويقوله عليا

والروح بتسرى وراه فى هواه وفاتونى يا عنيا

والدمع مش قادر حنين مالوش آخر

وحتى دمعى ما بقى لي يا ليل يا ابو الليالى

واللى يشوفنى يقول خالى يا ليل يا ابو الليالى

الوعد هو نسيه وانا فى فكرى واوهامى

فضلت عايش به اتاريه كان طيف احلامى

يا لوعتى ووجدى فى الفكر ده لوحدى

كان الحنان ماله ومالى يا ليل يا ابو الليالى

واللى يشوفنى يقول خالى يا ليل يا ابو الليالى

يا ليل يا ابو الليالى
غناء: عبد العزيز محمود
اشعار: حيرم الغمراوى
الحان: عبد العزيز محمود
الاصدار فى: اسطوانات كايروفون
السنة: اقدم تسجيل عام 1961
الحفلات: حفل الاحتفالية التاسعة بالثورة عام 1961