البحث

‏إظهار الرسائل ذات التسميات على السوهاجى. إظهار كافة الرسائل
‏إظهار الرسائل ذات التسميات على السوهاجى. إظهار كافة الرسائل

ياللى انت قلبك - شادية /اشعار/ على السوهاجى

ياللي انت قلبك ماهوش دارى بي بشتاق اليك
وحشتني منك كلمة حبيبي حرام عليك اه حرام عليك
مهما تجافني وليل يطول وبات وفكري عليك مشغول
اضحك وقلبي في نار وشوق وخوفي يفرح فينا عزول
ياللي ابتسامتك زهرة ربيع غنوة لكن قسوتك ماقدرش اقول حلوة
سلمت لك روحي وامري والعمر كله بفكر فيك
وحرمتني فرحة عمري وياريتني اعرف ايه يرضيك
ياللي انت قلبك ماهوش دارى بي بشتاق اليك
وحشتني منك كلمة حبيبي حرام عليك اه حرام عليك

ياللى انت قلبك
غناء: شادية
اشعار: على السوهاجى
الحان: عبد العزيز محمود
الاصدار فى: فيلم "انا الحب"
السنة: 1954
التصنيف: اغانى افلام / عاطفى

ترحيبة - عبد العزيز محمود /اشعار/ على السوهاجى


ترحيبة والنبى ترحيبة
يا منور من بعد الغيبة
واهو هل النور داير ما يدور
ونجوم السما منى قريبة
ترحيبة والنبى ترحيبة
من بعد يا قلبى ما شغلونا
انسونا حبايبك انسونا
ياما شغلوا البال ولا كان ع البال
تيجى ساعة ياعينى يفتكرونا
ترحيبة والنبى ترحيبة
الليل يا جماله بعشاقه
والهوى والحب واشواقه
والعين في العين تشعل قلبين
اول يا عيونى ما يتلاقوا
ترحيبة والنبى ترحيبة
يا قمر يا نجوم يا زهور حلوة
يا طيور بتقول لليل غنوة
غنوة احباب من بعد غياب
غنوها يا ليل والليل نجوى
ترحيبة والنبى ترحيبة
يا منور من بعد الغيبة
واهو هل النور داير ما يدور
ونجوم السما منى قريبة
ترحيبة والنبى ترحيبة

ترحيبة
غناء: عبد العزيز محمود
اشعار: على السوهاجى
الحان: عبد العزيز محمود
السنة: اقدم تسجيل حفل كان العيد الـ 15 للتلفزيون العربى عام 1975
التصنيف: عاطفى

حب العزيز - على السوهاجى

حب العزيز الربع بـ قرش
حلو ولذيذ الربع بـ قرش
لذيذ وعال يا حب العزيز
حب العزيز يالى تهادى
عليك توكلنا يا هادى
يجعل مساك حلو ونادى
وفينا ما يشمت عادى
حب العزيز فى حلاوتك مين
ياللى انت بتنقط شربات
بمنسى والله على الحلوين
يا مين يقول ناولنى وهات
يجعل مساك حلو ونادى
وفينا ما يشمت عادى
وادينى كيلة الربع بـ قرش
هاتبقى ليلة الربع بـ قرش
ادى احنا جينا متزعلش
وكل عقدة ولها حلال
فرحة صاحبنا متكملش
وليلة كوبية على العزال
يجعل مساك حلو ونادى
وفينا ما يشمت عادى
يا حلو طلة الربع بـ قرش
سلمها لله الربع بـ قرش

غناء: عبد العزيز محمود - من اغانى فيلم "تاكسى الغرام" 1954

مليون سلام - على السوهاجى

مليون سلام يا مبدلين الخوف امل
مليون سلام يا مبدلين النوم عمل
مليون سلام يا مكسرين بطن الجبل
فوق الجبين شايف بحور جهد وعرق
طول ما المكن يفضل يدور راح يتخلق
انتاج وتكتر ثروتك والخير يعود علي امتك
شمسك يا حلوة منورة بشعور دهب
وادي الصبايا مبدرة تقطف عنب
واحنا يا امنا بنقول وجب

غناء: عبد العزيز محمود - عام 1972

اسال مرة عليا - على السوهاجى

اسأل مرة عليا
قولي قساوتك ليه
أنا افديك بعينيا واكتر منهم إيه
اسأل مرة عليا .. اسأل عليا مرة
ايه اغلى من القلب اللي وهبته إليك
شافك مرة وحب وياما سألني عليك
وانت ما تسال فيا
قولي قساوتك ليه
أنا افديك بعينيا واكتر منهم إيه
اسأل مرة عليا .. اسأل عليا مرة
تحكم فيا وتأمر ولا عارف اراضيك
فكر قبل ما تهجر وتبيع قلب شاريك
يمكن ترجع ليا
قولي قساوتك ليه
أنا افديك بعينيا واكتر منهم إيه
اسأل مرة عليا .. اسأل عليا مرة
انت الكلمة الحلوة وعيونك معانيها
وانت جمالك غنوة من قلبي بغنيها
وانت عينيك في عينيا
قولي قساوتك ليه
أنا افديك بعينيا واكتر منهم إيه
اسأل مرة عليا .. اسأل عليا مرة

غناء: محمد عبد المطلب - اسطوانات كايروفون 1959

اكتب له يا قلم - على السوهاجى

اكتب له يا قلم ع الحيرة والالم
وقوله في بعدكم الاه بقت نغم
اكتب له يا قلم
اكتب له علي الورق الشوق وسطره
والقلب اللي انشغل دي مين يصبره
امانه تفكره
اكتب له علي الهوان وقولوا ليه كدة
تبقي انت والزمان وفرحة العدا
امانه تفكروا
اكتب له ع الخصام اكتب له ع الغياب
وقولوا ابعت سلام كلمة ولو عتاب
امانه تفكروا

غناء: عبد العزيز محمود - عام 1955

شوف شوف - على السوهاجى

شوف شوف قلبي الملهوف بيقول يا صباح الفل
شوف شوف ما تكونش بخيل وتعالى وطل
وبقربك الهنا وهنايا في نظرتك
واشتاقتلك انا وفي قلبي معزتك
والبدر في طلعته فكرني بطلعتك
والورد في رقته فكرني برقتك
يا فايتني من سنة للفكر والضنا
وتفرح القلوب بحبك الا انا
القلب اللي في هواك فات اهله ودنيته
وباعهم واشتراك ولا طالشي فرحته
الامر امرها وانا راضي بحكمها
قلبين واتشوقوا وباين في العيون
وازاي اتفرقوا وعشرتك تهون
يا فايتني من سنه للفكر والضنا
وتفرح القلوب في حبك الا انا

غناء: عبد العزيز محمود - فيلم "تاكسى الغرام" 1954

مشغول - عبد العزيز محمود /اشعار/ على السوهاجى

مشغول بك والبال مشغول 
على شوق القلب ما بقدرش
وبعزك من غير ما بقول
من خوفي لا احبك ولا اطولشي
ان كان على حبي وهبتهولك
وان كان على عهدي كتبتهولك
وان كان ع الود يا نور عيني
انا جوه القلب هاشيلهولك
وراح افضل احبك على طول
يا حبيب القلب ولا تهونشي
الشوق في عينيا محيرني
والكاس فى ايديا مسهرني
وخيالك عايش في خيالي
والصبر يا ريته يصبرني
ولا يفرح في غرامي عزول
ويشوفني بقاسي ولا يلومشي
حبيت الدنيا علشان خاطرك
وكفاية عليا اسعد خاطرك
لو اضحى بأملى واحلامى
وهنايا يا روحى علشان خاطرك
ده انا فكرى فى حبك مشغول
على شوق القلب ما بقدرش
مشغول بك والبال مشغول 
على شوق القلب ما بقدرش
وبعزك من غير ما بقول
من خوفي لا احبك ولا اطولشي

مشغول
غناء: عبد العزيز محمود
اشعار: على السوهاجى
الحان: عبد العزيز محمود
التصنيف: عاطفى