رمش عينه اللي جارحني رمش عينه
رمش عينه اللي دابحني رمش عينه
مين يا ناس يحكم ما بين قلبي وبينه
رمش عينه اللي جارحني رمش عينه
ليلة من ذات الليالي.. كنت خالي وقلبي خالي
والسهر ما عرفش عيني.. والغرام ما جاش في بالي
فات عليا الحلو الاسمر.. رمشه قالي حب واسهر
مين يا ناس يحكم ما بين قلبي وبينه
رمش عينه اللي جارحني رمش عينه
شفة وردي وسنة لولي.. من بعيد اتبسمولي
صورولي الحب جنة.. واعمل ايه ياناس قولولي
غصب عني مش بخاطري.. للجميل سلمت امري
مين ياناس يحكم ما بين قلبي وبينه
رمش عينه اللي جارحني رمش عينه
العيون السود خدوني.. بالمحبة عشموني
وفي بحور الشوق يا عيني.. غرقوني ودوبوني
هي دي كل الحكاية.. من البداية للنهاية
مين يا ناس يحكم مابين قلبي وبينه
رمش عينه اللي جارحني رمش عينه
غناء: محرم فؤاد - فيلم "حسن ونعيمة" 1959