طلب القهوة و ماشربهاش
جبنا القهوة و هوّا ماجاش
حط تمنها على التربيزة
قرشين فكة ونص بريزة
و اللى طلبها ليه ما شربها؟
جبنا القهوة و هوّ ماجاش
كان قاعد ساكت ومكشّر
كان قاعد سارح بيفكر
طلب القهوة من غير سكّر
قلت عينيّا .. بعد شويّة
جبت القهوة و قاللى بلاش
قلت ضرورى وراه مواعيد
ولا يجوز مشواره بعيد
قلت ضرورى وبالتاكيد
هو معانا وعقله بعيد
طلب القهوة و ماشربهاش
جبنا القهوة و هوّ ماجاش
1- غناء: فرقة الجيتس - البوم "المية يا افندى" عام 1980
2- غناء: احمد منيب - البوم "قسمة ونصيب" عام 2001