مصر الأمل شعب بطل على حب مصر تلاقت خطاه
مصر العظيمة ارض كريمة حضارة شعب انار الحياه
عشقنا مصر عطاء سخيا و فى الحادثات سلاحاً عتيا
يا ربنا يا الله بارك لنا يا الله
بارك خطانا ثبت قوانا فمن أجل مصر يهون الفداء
نحمي حماها ونفنى فداها ويبقى لمصر خلود البقاء
القاء محمود ياسين لأبيات من قصيدة "قفي يا أخت يوشع خبرينا" لأحمد شوقى
جَلالُ المُلكِ أَيّامٌ وَتَمضي وَلا يَمضي جَلالُ الخالِدينا
تَعالى اللهُ كانَ السِحرُ فيهِم أَلَيسوا لِلحِجارَةِ مُنطِقينا
وَآثارُ الرِجالِ إِذا تَناهَت إِلى التاريخِ خَيرُ الحاكِمينا
وردة
يا مصر يا غاليه يا أم الراية العالية
ياللى ولادك هزوا جبالك وبنوا الأهرامات
يا أول حضارة من عمر الحضارة
معجزاتك فى لمساتك فوق رمش الملكات
كنوز وعايشة من قبل خوفو
بتقول للعالم تعالوا شوفوا
يا أمنا حبك هنا فى قلبنا عايش هنا فى قلبنا
ايمان بنعمة ربنا ايمان بوحدة عزمنا
مصر بكل ولادها مصر
مصر بحب ولادها مصر
وبحبهم هاتعيش لنا
القاء محمود ياسين لأبيات من قصيدة "كم ذا يكابد عاشق ويلاقي" لحافظ ابراهيم
كَم ذا يُكابِدُ عاشِقٌ وَيُلاقي في حُبِّ مِصرَ كَثيرَةِ العُشّاقِ
وَتَهُزُّني ذِكرى المُروءَةِ وَالنَدى بَينَ الشَمائِلِ هِزَّةَ المُشتاقِ
إِنّي لَأَحمِلُ في هَواكِ صَبابَةً يا مِصرُ قَد خَرَجَت عَنِ الأَطواقِ
وردة
يا غالية علينا حضنك بيدفينا
ويفرحنا ويريحنا ويدينا الحنان
لو جابولي الدنيا انتي يا مصر الدنيا
وإللي يجيلك يدوق نيلك يرجعلك عطشان
يا مصر يا شهد الأماني الحب فيكي له طعم تانى
يا أمنا حبك هنا في قلبنا عايش هنا في قلبنا
إيمان بنعمة ربنا إيمان بوحدة عزمنا
مصر بكل ولادها مصر
مصر بحب ولادها مصر
وبحبهم هاتعيش لنا
القاء محمود ياسين لأبيات من قصيدة "يا فرنسا نلت أسباب السماء" لأحمد شوقى
إِنَّما مِصرُ إِلَيكُم وَبِكُم وَحُقوقُ البِرِّ أَولى بِالقَضاء
عَصرُكُم حُرٌّ وَمُستَقبَلُكُم في يَمينِ اللَهِ خَيرِ الأُمَناء
وَاِطلُبوا المَجدَ عَلى الأَرضِ فَإِن هِيَ ضاقَت فَاِطلُبوهُ في السَماء
وردة
يا مصر الحبيبة يا عيون العروبة
ياللي المولى كرم اسمك في آيات القرآن
دايما فاتحة بابك يا مصر لأحبابك
عزم شبابك خلى رحابك بر سلام وأمان
ومهما جرح الأحبة يقسى الأم دايما تحب تنسى
يا أمنا حبك هنا في قلبنا عايش هنا في قلبنا
إيمان بنعمة ربنا إيمان بوحدة عزمنا
مصر بكل ولادها مصر
مصر بحب ولادها مصر
وبحبهم هاتعيش لنا
غناء: وردة - عام 1982