يا ناس قتيل الغرام مقتول وساح دمه
يا حزن أهله عليه يا طول عياط أمه
كان قبل ما بيحب ورد أحمر وبنشمه
العشق خلاه دبل واصفر يا عيني
امتى الحبيب يرحمه و يبوسه ويضمه
يا ليل يا اااا لليل يا عين
يا نجف بنور يا سيد العرسان
يا قمر ومنور ع الخلان
آه يا نجف آه يا نجف .. حلو يا نجف
على خدك 100 مليون وردة
وعنينا عليك ساقعة وباردة
فى الدنيا مفيش غيرك فردة
فى خفافة الدم يا غصن البان
يا نجف آه يا نجف .. حلو يا نجف
حلو ومدلع من يومك
واسم الله عليك ملو هدومك
والدنيا اهي عايمة على عومك
بتغنى اهي امان يالالي امان
اه يانجف اه يا نجف .. حلو يا نجف
كام شمعة وقايد ومنور
حواليك يا كحيلة العين يا اسمر
فرحان بك وانت بتمخطر
يا عيون غزلان يا زين الخلان
اه يانجف اه يا نجف .. حلو يا نجف
غناء: عبد العزيز محمود