من بعد غيبة سأل فيا
قال غصب عني يا عينيا
طول البعاد مش بايديا.. سامحيني
سلم عليَ لما قابلني وسلم عليّ
ولدي يا ولدي سلم عليّ
قلت السنين بعدوك عني
وقلوب هناك خطفوك مني
قاللي وربي اللي خلقني..
شاريكي
وحلفلي بليالي الغربة
إنه ما كان له هناك صحبة
وان الحياة من غيري صعبة
ده حبيبي
قلت وحشت هنا أهلك
ياما سهرنا بنندهلك
إوعى تفارق على مهلك
حبيبي
قاللي عطشت لمواويلي
ورجعت أشرب من نيلي
قومي يا سمرا وغنيلي
مواويلي
قاللي وجودك ويـّايا
نسـّاني تعبي وشقايا
ما انت طبيبي ودوايا
اشفيني
كل الكلام اللي بحبه
قالهولي وأنا قاعدة جنبه
ريحني الله يريـّح قلبه
ده حبيبي
غناء: نجاة الصغيرة - عام 1978