كل كلمة حب حلوة قلتهالي..
كل همسة شوق بشوق سمعتهالي
والأمان والعطف والقلب الحنين والأماني كلها نولتهالي
بس قلبي لسه خايف من الليالي
وأنت عارف قد ايه ظلم الليالي
يا حبيبي
بين ليالي منورة وأيام هنية
شفت وياك الهنا شفته بعينيا
شفت جنة بالمحبة منورة لنا
وأنت جنبي زي قلبي تخاف عليا
والمودة والغرام الحلو بينا
يا حبيبي ضحكة رايحه وفرحه جاية
بس قلبي لسه خايف من الليالي
وانت عارف قد ايه ظلم الليالي
يا حبيبي
يا حبيبي عشت أجمل عمر في عينيك الجميلة
.. عشت اجمل عمر
أوصل الأيام مع الأحلام بغنوة شوق طويلة
.. للرموش السمر
يا حبيبي كفاية أحبك
وارتوي من عطف قلبك
وأنسى بكره وأنسى بعده
وافتكر بس إني جنبك
والليالي تعمل إيه فينا الليالي
حبنا أكبر وأكبر من الليالي
يا حبيبي
غناء: عبد الحليم حافظ - فيلم "شارع الحب" 1958