فين السعادة فين اشتريها بدمي
وادفع تمنها من دموعي وهمي
فين السعادة فين
ياناس طريقها منين؟
دنا كنت افرح تملي
واضحك ليلي وصبحي
الضحكة زي ضلي
مش بتفارق ملامحي
وكان ليا رفاقة سمحين وطيبين
في وشهم براءة وقلبهم امين
لقيت نفسي في غابة مزحومة بالديابة
ومش قادر اصرخ واقول الحقني يا با
لو اصرخ يضحكوا.. لو ابكي يفرحوا
وبالضحك يشوكوا وبالفرحة يجرحوا
وكل ما ائن انة بيفرحو زيادة
مش معقول دي السعادة
غناء: محمد منير - البوم "مقدرش" 1992