يا تبر سايل بين شطين
يا حلو يا اسمر
لولا سمارك جوه العين
ما كانت تنور
يا حلو يا اسمر
الدنيا من بعدك مره
يا ساقى وادينا الحياه
د اللى يدوق طعمك مره
م المستحيل ابدا ينساه
يا نعمه من الخلاق .. يا نيل
دى ميتك ترياق .. يا نيل
يا حلو يا اسمر
خيرك علينا مالوش اخر
ياللى القلوب بتعيش بهواك
خلتنا نحكى ونتفاخر
على الوجود كله بذكرك
يا ريحه من الاحباب .. يا نيل
واهل مش اغراب .. يا نيل
غناء: عبد الحليم حافظ - 1952