يا مواعدني بكره .. اوعى تنسى بكره .. وافتكرني مرة
طمني مالك كده سارح .. زي اللى راح منه أماني
بتفتكر ليه فى امبارح .. ده عمره مش راجع تانى
انسى اللى كان منه .. وانسى اللى نابك فيه
دا انت إن بكيت منه ح تبكي بكره عليه
إنس اللى فات مرة .. بس افتكر بكره، يا مواعدني بكره
كل القلوب اللى تواعدوا .. بتفتكر بكره وبعده
والنهارده أنا وانت ح نعيش كده لإمتى
يمكن لبكره يمكن لبعده .. مين بيدرى وقت سعده
انسى اللى فات مرة .. بس افتكر بكره، يا مواعدني بكره
بكره تقابلني واقابلك .. بكره الأمل هيبان
وتقوللي بكره وأقولك الدنيا فيها حنان
ونغني والمغنى يطول .. واللحن يرجع م الاول
ونعيش مع الأحلام .. وعيونا لما تنام تصحى القلوب بكره
با مواعدني بكره أوعى تنسى بكره
وافتكرني مرة يا مواعدني بكره
غناء: عبد الحليم حافظ - عام 1952