يا اسمر ياجميل يابو الخلاخيل
ياللى المنديل راح ياكل من حاجبك حتة
عينى يا عينى يا عينى
ساعة ما بشوف العود ملفوف
لولا فيها كسوف كنت اجرى وراك حتة بحتة
عينى يا عينى يا عينى
يا اسمر يا جميل اه ياسمارة انت امارة م السما جاية
من السما جاية
يا بو الخلايل ياللى كعابك فوق قبقابك ورد فى ميه
ورد فى ميه
يابو المنديل اويا باويا دخت يا خويا سمى عليا
سمى عليا
ساعة ما بشوف العود طارح
بفضل سارح قول يجي جمعة
قول يجي جمعة
زي الشمعة
لولا فيها كسوف كنت اندهلك قدام اهلك لولا السمعة
لولا السمعة
يا اسمر يا جميل
غناء: عبد العزيز محمود
اشعار: مرسى جميل عزيز
الحان: عبد العزيز محمود
الاصدار فى: اسطوانات كايروفون
السنة: 1955
التصنيف: عاطفى