شيد قصورك ع المزارع
من كدنا وتعب إيدينا
الخمارات جنب المصانع
والسجن مطرح الجنينية
واطلق كلابك في الشوارع
واقفل زنازينك علينا
وقل نومنا في المضاجع
أدي احنا نمنا ما شتهينا
واتقل علينا بالمواجع
احنا اتوجعنا واكتفينا
وعرفنا مين سبب جراحنا
وعرفنا روحنا والتقينا
عمال وفلاحين وطلبة
دقت ساعتنا وابتدينا
نسلك طريق مالهش راجع
والنصر قرب من عنينيا
النصر قرب من إيدينا
غناء: الشيخ امام