كان.. ده كان
كان اسمة حبيبي
كان يوم من نصيبي
ضحيت بعمري معاه
مشوار اسمه حياة
انا اللي بينكم هنا
رضيت بالعذاب
لحد ما قلبي داب
ولا دوقت يوم هنا.. انا
انا ياما اتحملت انا
آسيت ولا اشتكيت
ولا جيت في يوم بكيت
منه ليكم هنا.. انا
لا عتاب هيشفي جراح
ولا هيجيب اللي راح
دي حكايتي مع الزمان
رسملي ع السما
جنة فيها الهنا
وقال هنعيش هنا
قولت احلوت سنيني
وبنالي في الخيال
قصور من الآمال
وقال مفيش محال
نمت وغمضت عيني
ومرت الأيام
وصحيت من الأحلام
ما لقيتش غير آلام
وعذابي مستنيني
ونا.. أنا اللي بينكم هنا
مش عارفة رايحة فين
ولا فاكرة جاية منين
جابني الطريق هنا
ونا.. ياما اتحملت أنا
دموع ما تنتهيش
وآلام ما تتنسيش
لو فات مليون سنة.. أنا
لا عتاب هيشفي جراح
ولا هيجيب اللي راح
دي حكايتي مع الزمان
1- غناء: وردة الجزائرية - فيلم "حكايتى مع الزمان" 1974
2- غناء: محمد منير - البوم "انا قلبى مساكن شعبية" 2001