على حسب وداد قلبي يابويا
راح أقول للزين سلامات
على حسب وداد قلبي يابويا
ضيعت عليه العمر يابويا
ده أنا ليا معاه حكايات
على حسب وداد قلبي يابويا
موال الصبر أهو داب
من يوم الحب ما غاب
ولا عمري يا عيني يا ليلي
ما تقرب لينا أحباب
وانا صابر عالمقسوم يمكن يرجعلي فى يوم
وتكون لي معاه تاني يابويا أيام حلوة وحكايات
على حسب الريح ما يودي الريح
وياه أنا ماشي ولا بيدي
معرفش ان كنت مروح ولا امتى الهوى حيهدي
وأهي دنيا بتلعب بينا يمكن ترجع غناوينا
وتكون لي معاه تاني يابويا أيام حلوة وحكايات
لا حسلم بالمكتوب ولا حرضى أبات مغلوب
وحقول للدنيا يا دنيا أنا راجع
أنا راجع للمحبوب
ونغني أغاني جديدة مليانة حكاوي سعيدة
وحنغزل توب الفرحة يابويا واقول يا حبيبي سلامات
غناء: عبد الحليم حافظ - عام 1966