أسمر يا اسمراني
مين أساك عليا
لو ترضى بهواني
برضه انت اللي ليا
بتزيد عذابي ليه
ويهون شبابي ليه
وتطول غيابك ليه
قولي ليه ناسي ليه يا اسمر
يا اسمر قلبي في نار
نار عذابي ونار ظنوني
يا اسمر فكري احتار
الشوق ضناني سهر عيوني
والجرح اللي في قلبي إزاي أدوايه
والدمع اللي في عيني لإمتى أداريه
لا أنا باشكي ولا باحكي بس قولي يا حبيبي
قالولي الناس هواك حيرة
وقلت أحتار عشان خاطرك
تحيرني تسهرني كفاية أخطر على فكرك
وأنا راضي بحرماني وحيرتي ويا أشجاني
دا الحب اللي أنا شفته يوم وياك
فرحني ونساني إزاي أنساك
لا أنا باشكي ولا بحكي بس قولي يا حبيبي
أنا شاري هواك يا اسمر
بروحي وفرحتي وعمري
وأيام حلوة عشناها
راحت وانقضت بدري
ياريت ترجع لياليها
وأنا وأنت نعيش فيها
والقلب اللي شغلته سنين بهواك
لوعته وضيعته وقلت فداك
لا أنا باشكي ولا بحكي بس قولي يا حبيبي
1- غناء: عبد الحليم حافظ - عام 1956
2- غناء: فايزة احمد - فيلم "الوسادة الخالية" 1957