ولد وبنت.. كل الجنينة ولد وبنت
يا حب حاسب حاسب
ده هنا وردة ولد ووردة بنت
كان فيه بنية خرجت شوية في المغربية
قابلت وليد بصلها حود وقال أهي
سلم عليها فهمت إيديها
قالت عينيها: خلاص أمنت
خجلانة هي ومستحية لكن هنية
قال كلمة هو، وف قلبه جوه ناره القوية
قال يا أمالي..
قالت يا غالي.. غيرت حالي ساعة ما بنت
الوقت مسى وهي لسة، ولا هي حاسة
أدم وحوا.. هو وهي.. اتنين في قصة
لكن ساعتها شافت ساعتها
رجعت لبيتها وأنا حزنت
أنا اللي كانت الغنوة ليا
أنا الوليد صاحب البنية
اللي عيونها قالت أمنت
1- غناء: فرقة المصريين - البوم "حرية" 1979
2- غناء: على الحجار - البوم "ولد وبنت" 1979