الليالى
هي الليالي كده هي الليالي ..
طبع الليالي كده طبع الليالي ..
بتغرب ده وده . وتقرب ده لده .. وتبدل ده بده .
وهي كده الليالي ولاتعرف غير كده
ولاتعرف غير كده ...وهي هي هي كده الليالي .
ياليل تليل . اسهر تطول .
ولالكش اخر ولالكش اول ..
قلبي ياساكن سهر الليالي
سهران بتحلم والنجم عالي
طالل علينا من العلالي . ..
ولاعمره واخد ولاعمره جايب جواب يطمن عالحبايب .
نجم الليالي كده نجم الليالي .
سهر الليالي كده . سهر الليالي ...
وهي كده كده الليالي ...
وآه ياليل منك وآهين ياللي نجومك صاحبوني.
لاانا عارفة انا مين ولاانا فين
. دول نجمتين ولا عيوني ..
وكل ما اسهر انت تطول واقول ..ماتسمعش كلامي ..
والاقي نفسي لما بنام . سهرانة حتى ف احلامي ..
سهر الليالي كده سهر الليالي .
طبع الليالي كده طبع الليالي ..
هي كده الليالي ولاتعرف غير كده
ولاتعرف غير كده ...وهي هي هي كده الليالي .
طيب يا ليل
طيب يا ليل .. يا ليل طيب
الفرحة فيك لسه بعيدة
والحزن هو اللي قريب
راحو اللي كانوا يحبوني
وكنت اعطش يسقوني
ويضحكوني مــن قلبي
ويمســحوا دمع عيوني
سهرتني ياعيني يا ليلي
دمــوعي حــرقت منديلي
عيوني ناحوا ما حبايبي راحوا
والقلب نـــايم حاضن جراحه
طيب يا ليل .. يا ليل طيب
الفرحة فيك لسه بعيدة
والحزن هو اللي قريب
كان لينا احباب كان لينا
قمر منور ليالينا
نسمة في حر الصيف كانوا
يهونوا السكة علينا
سهران يا قلبي يا وحداني
والغنوة دبلت في لســـاني
عيوني ناحوا ماحبايبي راحوا
والقلب نـــايم حاضن جراحه
طيب يا ليل .. يا ليل طيب
الفرحة فيك لسه بعيدة
والحزن هو اللي قريب
يا قمر ميل
ياقمر ميل وميل ..
دا أنا جرحي ماهوش قليل..
وإنتا بتكحل عينيا ..
بالسهر والليل طويل ..
ياقمر ميل وميل
لو حسيت إنكَ وحداني...
متغربّ وسط الأغراب ...
إبقى فكر بس شويه ..
وإفتكر إن هناك أحباب
وأنا من هنا و ليوم ماتجيني..
مستنية وجنب الباب ..
دنا أبيع الدنيا وأرجع لك ..
دنا أنسى صوتي وأسمع لك
واحكي لك ..يبكي لك صوتي ..
اللي تعود يدمع لك .
ياقمر ميل وميل ..
دا أنا جرحي ماهوش قليل
وإنتا بتكحل عينيا ...
بالسهر والليل طويل ..
ياقمر ميل وميل
إيدي فاكرة لمسة إيدك ..
مش فاكرة ..دي عايشة في اللمسة
ونسيت حس الدنيا بحالها..
وحسك َفاكرة ضحكة وهمسة
لسه بحّبك .. وأفضل أحبّك ..
وإنت حتفضل تقسى لسه ولسه
ياليالي سافري ياليالي ..
وهاتي لي حبيب قلبي الغالي
لا حبيبي على بالو يميل ..
ولاحالي صعبان على حالي
ياقمر ميل وميل ..
يا قمر ميل وميل ..
دا أنا جرحي ماهوش قليل
وإنتا بتكحل عينيا ..
بالسهر والليل طويل
ياقمر ميل ميل
سيبولى قلبى
سيبولي قلبي وارحلوا .. لا اسال انا ولا تسألوا
قلبي خلاص من اليوم يا ناس .. لاح افرحه ولا ازعله
مدام انتوا فاكرين الهوى .. نقضي السنين صبر وحنين دمع وانين
يبقى الفراق بالشكل ده ما اسهله
حتى الايدين اتعلموا .. يترعشوا لما يسلموا
علمتوا قلبي اللي ما كان عمره في يوم اتعلمه
اومال نصدق مين بقى .. وازاي حنفرح بااللقا
مدام يومين ترجع قلوب العاشقين متفرقة .. متفرقة
توبه نصدق تاني ضحكك ياهوى
وتوبه نمشي معاكوا في الايام سوا
مدام انتوا فاكرين الهوى
نقضي السنين صبر وحنين دمع وانين
يبقى الفراق بالشكل ده ما اسهله
الكلمتين اللي اتحكوا زي الدموع اللي اتبكوا
ياللي انتوا لومتوني تعالوا لوموا تاني واضحكوا
يا ضحكتي لمي الجناح .. سيبي مكانك للجراح
حلم الليالي الغالي ليه ما اقدرش على نور الصباح
توبه نصدق تاني ضحكك ياهوى
وتوبه نمشي معاكوا في الايام سوا
مدام انتوا فاكرين الهوى
نقضي السنين صبر وحنين دمع وانين
يبقى الفراق بالشكل ده ما اسهله !!
غناء: ميادة الحناوى