دنيا رايحة ودنيا جاية
مرة رايحة ومرة جاية
تخلي بيكم ولا بيا
دور عليكوا ودور عليا
يا ما ياما كتير حكينا
ع اللي بكرة حيجرى لينا
من عشمنا كتير حلمنا
واللي مقسوم برضه لينا
قسمة حلوة ولاّ قسوة
ولا أيام مش هنية
طمنينا ما تتعبينا
دا اللي دوقناه مش شوية
دنيا رايحة ودنيا جاية
آه يا خطوة آه يا شاردة
بكرة مش زي النهاردة
بكرة يجي يبل ريقي
وخطوتي حتكون حبيبي
هتحلا بينا وتجري بينا
نبتسم والله ف عنيا
هتبقى حلوة بقسمة حلوة
باقية ع العشرة وعليا
دنيا رايحة ودنيا جاية
غناء: محمد منير - البوم "علمونى عنيكى" 1977