ليالى العمر معدودة
ليالى العمر معدودة وليه نبكى على الدنيا
وناس فى الدنيا موعودة نصيبها يروح لناس تانية
ليالى العمر معدودة
صحيح الدنيا دى خاينة وخدعانا بأمانيها
نهاية ضحكها باينة وبتحاول تخبيها
كفاية شقاها وخداعها كفاية سيبونى أودعها
لا عندى آمال تضيعها ولا فيه بخت فى الدنيا
ليالى العمر معدودة
بيعوها ياللى شارينها وسحراكم لياليها
ده عاش اللى خرج منها ومات اللى فضل فيها
أمانة ياللى تهوانى تغيب عنى وتنسانى
وفكر فى حبيب تانى يكون له عمر فى الدنيا
ليالى العمر معدودة
نقدر والقدر يضحك ونفرح والزمن ساخر
وبتعجب على أمرك يا طالب عمر للآخر
فى دنيا فانية وتحير لا ترضى كبير ولا صغير
ده لو اللى سابها يتخير ما يرضى يرجع الدنيا
ليالى العمر معدودة
يا شاغلنى وقلبك خالى
يا شاغلنى و قلبك خالى
و مسهر عينى ليالى
كل الأحباب اتهنو
عقبالى معاك عقبالى
يا شاغلنى و قلبك خالى
حبك باين ف عينيا
وف لمس ايدك ل ايديا
اذا كنت مخبى عليا
متقول لى و ترحم حالى
اعمل لك إيه ؟ ماعرفشى
حيرتنى ليه ؟ ماعرفشى
آه لو تفهمنى يا غالى يا مسهر عينى ليالى
كل الاحباب اتهنو
عقبالى معاك عقبالى
وياك الدوا و ناسينى وبنار الحب كاوينى
ارحمنى ف يوم و داوينى
بالكلمه اللى تقولها لى
قلبك مشغول ؟ معرفشى
و ل إمتا هاقول ؟ ما عرفشى
بزياده بقا اللى جرا لى
يا مسهر عينى ليالى
كل الأحباب اتهنو
عقبالى معاك عقبالى
يا شاغلنى يا شاغلنى
يا شاغلنى و قلبك خالى
الو الو احنا هنا
الو الو احنا هنا
ونجحنا أهو في المدرسة
باركلنا وهاتلنا وياك هدية كويسة
الو الو الو احنا هنا
احكيله ازاي احنا تعبنا
وأخدنا 100 على 100
وقوليله كمان ازاي جبنا
كل الدرجات النهائية
خدنا سؤالين في الجغرافيا
وجاوبنا عليهم بالعافية
س سؤال
أين تقع في الخارطة أوروبا؟
ج جواب
تبقى على شمال كوبري القبة
س سؤال
فين صحراء مصر الغربية؟
ج جواب
بعد الريست هاوس بشوية
وعرفنا كده كده من نفسنا
من غير ما حد يقولنا
الو الو احنا هنا
ونجحنا أهو في المدرسة
باركلنا وهاتلنا وياك هدية كويسة
الو الو الو احنا هنا
والانجليزي؟
سيبك منه
ماتسأليش أبدا أبدا عنه
ضعيفة جدا فيه ماعرفش
غير بس I love you very much
وأمّا في النحوي وفي الصرف
جاوبنا بالكملة وبالحرف
س سؤال
هل تعرفي كان وأخواتها؟
ج جواب
واعرف عمّاتها اه وخالاتها
لها أخت اتجوّزت
والتانية اتجهّزت
والأخت التالتة طلبوها اتعززت
الو الو احنا هنا
ونجحنا أهو في المدرسة
باركلنا وهاتلنا وياك هدية كويسة
الو الو الو احنا هنا
اغانى فيلم "موعد مع الحياة"
غناء: شادية
اشعار: فتحى قورة
الحان: منير مراد - محمود الشريف
السنة: 1953
التصنيف: عاطفى