امي يا نبع الحنان
امي نروي فى طريقي
امي يا حضن الامان
امي يا حبي الحقيقي
فى الطفولة ربتيني قبل ما انطق بالكلام
وفى شبابي بتراعيني لما بسهر ولا انام
دعوتك بلسم جروحي
ضحكتك بترد روحي
يا امي يا امي
مستحيل اوفي جمايلك مهما طال العمر بيا
انما فى القلب شايلك ده انتى اغلى من عنيا
دعوتك بلسم جروحي
ضحكتك بترد روحي
يا امي يا امي
لو سافرت وغبت عنك مهما غبت جاى تاني
لو تتوه مني الاماكن انتى عنواني ومكاني
دعوتك بلسم جروحي
ضحكتك بترد روحي
يا امي يا امي
غناء: علاء عبد الخالق - البوم "وياكى" 1987