في كل حي ولد عترة وصبية حنان
وكلنا جيرة وعشرة وأهل وخلان
أميرة عاقلة في الحجلة والعقل يطير
كانت صغيرة بضفيرة، وكان هو صغير
ساعة ما تضحك مع اخوها.. تلاقيه بيغير
ولما ترفع قلتهم تلاقيه عطشان
زمانه ماشي بخطوة يضم
زمانها كبرت وبقت أم
زمان جواب جايلها بيجري على العنوان
الفجر بيلاقي المغرب وبييجي ويروح
والليل يطل على الشارع شباك مفتوح
هنا الرصيف وهنا السلم وهناك ياسطوح
متعلقة كمام النونو في ديل الفستان
زمانه ماشي بخطوة يضم
زمانها كبرت وبقت أم
زمان ضناهم في المدرسة كنز الأوطان
نحضن ولادنا ولا نخلي حنية وذوق
نكبر معاهم ونغني لقدام ولفوق
يا دي العيون اللي بتقرا في كتاب الشوق
الدنيا خضرة ومش فاضل علي بكرة زمان
زمانه ماشي بخطوة يضم
زمانها كبرت وبقت أم
اصل الحكاية حكايتنا نبني الانسان
غناء:
1- المجموعة 1971
2- فرقة السنابل - حفل نادى الترسانة 1981
2- محمد منير- البوم "برئ" 1985