خسارة خسارة فراقك يا جارة
عينيا بتبكي عليكي بمرارة
خسارة خسارة فراقك يا جارة
يوماتي ليلاتي بدور عليكي
أتاري حياتي بشوفها بعينيكي
عيوني سهارى دموعي حيارى
عينيا بتبكي عليكي بمرارة
خسارة خسارة فراقك يا جارة
القلب اللي بسهمك مجروح
فين يهرب من حبك ويروح
على نار الشوق يتألم
ولا قادر يوم يتكلم
رضيت بابتسامة ونظرة وإشارة
عينيا بتبكي عليكي بمرارة
خسارة خسارة فراقك يا جارة
يا سامع ندايا حبايبي فاتوني
لهمي وأسايا وحيرة عيوني
ما بين سهدي تارة وبين دمعي تارة
عينيا بتبكي عليكي بمرارة
خسارة خسارة فراقك يا جارة
غناء: عبد الحليم حافظ - فيلم "فتى احلامى" 1957