يا بلدنا لا تنامي
دوّري وسط الأسامي
وإجمعي الصف الأمامي
واتصفي وراه يا بلدنا
دوّري على مخلصينك اللي من زمان شاريينك
وباعوا الراحة
لبسوا هدمة شغالينك قعدوا ويّ فلاحينك
في الغيط والساحة يا بلدنا
أولادك أولاد كفاحك أولاد ضحكتك وجراحك
أصوات الثورة
هما القلع وهما الصاري بصي حواليك واختاري
سكتنا لبكرة يا بلدنا
هما شايفين القضية في ضمير الأيام الجاية
شايفين المحطة محطة الوصول
عارفين إيه معنى الحرية وإزاي الكلمة الثورية
تجي شيل وحط الحق بالأصول يا بلدنا
كوني سد وكوني رد ومدي اليد لفوق يا بلد
قولي أيوه وقولي لاء النصر قريب مهما بعد
وعينينا شايفة يا بلدنا، وعينينا شايفة يا بلدنا
يا بلدنا لا تنامي
دوّري وسط الأسامي
وإجمعي الصف الأمامي
واتصفي وراه يا بلدنا
غناء: عبد الحليم حافظ - عام 1968