جايز يكون قلبك حنون ...جايز
جايز كمان يقدر يخون ...جايز
وازاي انا ح قدر اقرا اللي متقدر
وده وده جايز
جايز اسلم قلبي ليك والقى حنان الدنيا فيك
وينطوي عمر الدموع ويبتدي عمر الشموع
والدنيا تنصفني والبهجه تعرفني والحب يدينا احلى امانينا
جايز يكون حبك كدا جايز ....وبردوا جايز غير كدا جايز
وازاي انا ح قدر اقرا اللي متقدر
وده وده جايز
الحب ياما هربت منه كم مره جاني وبعدت عنه
بشوف وبسمع كلام عليه خلاني خايف اشتاق اليه
قلوب مدوبها... دموع مغلبها ...عيون مسهرها
امال محيرها
جايز يكون حبك كده جايز ....وبرضه جايز غير كده جايز
وازاي انا ح قدر اقرا اللي متقدر
وده وده جايز
غناء: عادل مأمون - عام 1962