الحلوة، الحلوة الحلوة الحلوة
برموشها، برموشها السودة الحلوة
شغلتني ناديتني خدتني
وديتني بعيد وجابتني
والشوق، الشوق غلبني
الشوق كان هيدوبني
لولا ضحكتها الحلوة
وعدتني بحاجات حلوة
حلوة الحلوة عينيه
يا حبيبي
ف عيونك سهرت ليالي وطالت أيامي
وفضلي رموشك وشفايفك غنت أحلامي
وعشانك صحيت أفراحي ورقصت قدامي
وشبابي، وشبابي لقيته في شبابك ولقيت روحي
سهرانة بترقص على بابك يا حياة روحي
باليوم والساعة والثانية أنا فاكر
فاكر يا حبيبي
أول مرة قابلتك فيها
أول كلمة ناديتلك بيها
أول مرة أقول يا حبيبي
يا حبيبي وحاسس معانيها
في عينيك حسيت بالحب
وعرفت بيجي منين
وإزاي بيدفي القلب
وإزاي بيصحي العين
وشبابي، وشبابي لقيته في شبابك ولقيت روحي
سهرانة بترقص على بابك يا حياة روحي
والشوق، الشوق غلبني
الشوق كان هيدوبني
لولا ضحكتها الحلوة
وعدتني بحاجات حلوة
حلوة الحلوة عينيه
يا حبيبي
غناء: عبد الحليم حافظ - فيلم "الخطايا" 1962