عشاق الليل - عفاف راضى /اشعار/ عبد الرحيم منصور

لا يا عين يا ليل لا

ما شبعنا من المواويل

ما دقنا منكوا الويل

ميناموش عشاق الليل ميناموش لا

ميناموش من كتر الويل ميناموش لا

ميناموش لما الاحباب ميسالوش لا

ميناموش اصل الليالي ميرحموش لا

والله وحبينا وعرفنا سهر العشاق

والله وحبينا واهو عشنا صبر المشتاق

والله وشقينا وشربنا مر الاشواق

والله ولفينا ولا توبنا بين ليل وفراق

لا احنا عارفين احنا رايحين ولا راجعين

ولا تايهيين ادينا صابرين واحنا مساكين

الويل دقنا والليل عشناه الليلة بسنين

لا عرفنا مال ولا حتى كمال السكة منين

لا ضي قمر ولا ضل شجر يضلل علينا

لا كلمة تشوقنا لا الريح بتغرقنا ولا حتى تعدينا

واللي يعدي عليه كل ده في لياليه يالا السلامة

يا احباب ليه خدنا منكم ايه غير الندامة

عشاق الليل
غناء: عفاف راضى
اشعار: عبد الرحيم منصور
الحان: بليغ حمدى
الاصدار فى: اسطوانات صوت الفن
السنة: 1972
التصنيف: عاطفى