يهديك يرضيك / تبسم - عفاف راضى /اشعار/ مرسى جميل عزيز

يهديك يرضيك الله يخليك

ما تحاورنيش.. ما تضيعنيش

وماتحرمنيش من فرحتى بيك

الله يخليك

طول عمرى بهرب من عمرى

وبسلم للأيام أمرى

وتاخدنى الريح وتجيبنى الريح

وانا واقفة وايامى بتجرى

ماتحاورنيش .. ماتضيعنيش

وماتحرمنيش من فرحتى بيك

الله يخليك

يا حياتى يا بحر مالوش مينا

المينا اهى اهى قلب حبيبى

يا عيونى يا مخلوقة حزينة

الفرحة اهو جه ويا حبيبى

يا حبيبى ماصدقت لقيتك

حبيت ايامى وحبيتك

ماتحاورنيش.. ماتضيعنيش

وماتحرمنيش من فرحتى بيك

الله يخليك

الحلو والنبي.. تبسم للنبي.. والنبي تبسم

غزال على قصته، قال للنسيم غنوة

والوردة شاف بسمته، قال والنبي حلوة

يهديك يرضيك / تبسم
غناء: عفاف راضى
اشعار: مرسى جميل عزيز
الحان: محمد الموجى
الاصدار فى: فيلم "مولد يا دنيا"
السنة: 1975
التصنيف: اغانى افلام / عاطفى