خفة دمك مش على حد سحر جمالك مالهوش حد
بس بحبك قوى قوى ياحبيبى علشان طبعك دوغري وجد
خفة دمك مش على حد
كل كلام بتقوله أغانى مليان رقة وذوق ومعانى
وأنا با أستمع لك عايز أقول لك قول م الأول عيد من تاني
ببقى فى دنيا جديدة بعيدة دنيا تخلي الدنيا سعيدة
بس بحبك قوى قوى ياحبيبى علشان طبعك دوغري وجد
خفة دمك مش على حد
لما أبص فى مرة عليك بفضل تايه سنة فى عنيك
ليهم سحر يخللى الناس غصباً عنها تهيم حواليك
وأنا من طبعى بغــير م النسمة ايش حال بقى لو نظرة وكلمة
بس بحبك قوى قوى ياحبيبى علشان طبعك دوغري وجد
خفة دمك مش على حد
عمري ما شوفتك يوم بتلومنى حتى إن كان الحق عليا
ما بترضاش بعتاب تإلمنى بتفهمني بالحنية
علشان كده بتزيد فى غلاوتك وبتحلو فى عينى حلاوتك
بس بحبك قوى قوى ياحبيبى علشان طبعك دوغري وجد
خفة دمك مش على حد
غناء: عبد اللطيف التلبانى - اسطوانات صوت القاهرة عام 1965