بينى وبين قلبى حكاية مالهاش فى العمر نهاية
بينى وبين قلبى
يشاركنى فى صفو غرامى يسعدنى فى وقت الامى
ويجيب سيرتك فى منامى ورضاك على القلب كفاية
بينى وبين قلبى حكاية
وان جانى الليل يحكيلى عنك ويطول لليلى
اسهر واسبح فى خيالى ويبات سهران ويايا
بينى وبين قلبى حكاية
وان طال بعدك على عينى يحلف انك هاتجينى
وان شافك بتهنينى الاقيه بيغنى معايا
بينى وبين قلبى حكاية
وان كان غيرك يشغلنى يخاصمنى ويبعد عنى
ويروح يشكيلك منى واناديه مايفيد ندايا
بينى وبين قلبى حكاية
بينى وبين قلبى حكاية مالاهاش فى العمر نهاية
بينى وبين قلبى
غناء: عبد الحليم حافظ - عام 1954