سكي الشباك أنا مايحشنيش عنك شباك
وخيالي بيقدر يوصل لك من هنا لهناك
وحأصحي شعورك وفؤادك
يا أنا في الدنيا دي ياعنادك
والمغرم بالورد لا يمكن تمنعه أشواك
سكي الشباك
طول ما أنتي قصادي أنا في حبك قصادك علي طول
وان غبتي حاجيبك علي بالي ياحياتي وأقول
لا يحوشني أزاز ولا شيش ابدأ ولا باب مقفول
وحأصحي شعورك وفؤادك
يا أنا في الدنيا دي ياعنادك
والمغرم بالورد لا يمكن تمنعه أشواك
سكي الشباك
يامنايا أنا طول عمري بأصونك
وفؤادي الطيب بطبيعته ما يعرفش يخون
وأن هنت ومهما ظلمتنيني أنا برضه حنون
وحأصحي شعورك وفؤادك
يا أنا في الدنيا دي ياعنادك
والمغرم بالورد لا يمكن تمنعه أشواك
سكي الشباك
سكى الشباك
غناء: عبد اللطيف التلبانى
اشعار: عبد الوهاب محمد
الحان: محمد الموجى
الاصدار: اسطوانات صوت القاهرة
السنة: 1968
التصنيف: عاطفى