يا واد يا تقيل يا مشيبنى
ياه ده انا بالى طويل وانت عاجبنى
بس يا ابنى بلاش تتعبنى
عشان عمرك ما ها تغلبنى
يا واد يا تقيل
قلبي يقول يانى وده قلبه ولا يعانى
عنده برود اعصاب اسم الله ولا جراح بريطانى
و يبص ازاى.. كده كداهوه
و يمشي ازاى..كده كداهوه
و الضحكه ازاى..كداهوه
و يقف و يقول انا اهو انا هو
تمثال رمسيس التانى
يا واد يا تقيل
انا ..من حبه..بقاسى
و دا كدا هادى..هادى و راسي
ماتقولشى امين شرطه اسم الله ولا دبلوماسى
وايديه ازاى.. اهو كده كداهوه
ودقنه ازاى.. اهو كده كداهوه
وحواجبه ازاى..كداهوه
و يقف و يقول انا اهو انا هو
و الكون مش اد مقاسي
يا واد يا تقيل
اكلمه بحراره..يرد بالقطاره..
الرجل الغامض بسلامته متخفي بنضاره
ويحيى ازاى.. كده كداهوه
و ينادى ازاى..كده كداهوه
و يعادى ازاى..كداهوه
و يقف و يقول انا اهو انا هو
اطول واحد ف الحاره
يا واد يا تقيل
غناء: سعاد حسنى - فيلم "خلى بالك من زوزو" 1972