بلديات بلديات بلديات
وحياة من خلى كلامك احلى من الشربات
وحياة من خلى العود ملفوف اربع لفات
مانتيش عارفانى ازاي يا نجاة
ده احنا يا حبيبتى بلديات
بلديات وقابلتك مرة
وريتك مصر ومصانعها
مصر عروسة ونازلة الصاغة
تختار بايديها شبكتها
ياما سهرنا يا حلوة ليالى
مع عمال السد العالى
مانتيش عارفانى ازاي يا نجاة
ده احنا يا حبيبتى بلديات
ياما مشينا وروحنا وجينا
وفرشنا طريقنا فى غناوينا
ولاد الحارة فى عيد السد
بابتسامتهم نصبوا الزينة
الدنيا فرح زغاريد وطرح
وحاجات وحاجات وحاجات
مانتيش عارفانى ازاي يا نجاة
ده احنا يا حبيبتى بلديات
وحياة من خلى كلامك احلى من الشربات
وحياة من خلى العود ملفوف اربع لفات
مانتيش عارفانى ازاي يا نجاة
ده احنا يا حبيبتى بلديات
بلديات
غناء: محمد رشدى
اشعار: عبد الرحمن الابنودى
الحان: بليغ حمدى
الاصدار فى: اسطوانات صوت القاهرة
السنة: 1965
التصنيف: وطنى
غناء: محمد رشدى
اشعار: عبد الرحمن الابنودى
الحان: بليغ حمدى
الاصدار فى: اسطوانات صوت القاهرة
السنة: 1965
التصنيف: وطنى