آه آه من حبيبى
عين فى الجنة وعين فى النار
عامل ساهى لكن غدار
ياما شفت منه ياما
ياما غابت الابتسامة
عشمنى بسكة سلامة
وسابنى لوحدى فى المشوار
قاللى بكرة أحلى نهار
بحر وسحر وجنة ونار
قاللى الدنيا دى ما تغلاش
عدى العمر حبيبى ما جاش
عشمنى بسكة سلامة
وسابنى لوحدى فى المشوار
قالولي عَدى البحر عديته
قالولي عِدى النجم عديته
قالولى بيعى هواكى
قلت لأ.. حبيبى هو اللى أنا حبيته
بحره غويط ضلمة ودوار
خلى الشوق وياه محتار
يا ما حلمت معاه بالراحة
سابنى بين رموشه سباحة
عشمنى بسكة سلامة
وسابنى لوحدى فى المشوار
غناء: عايدة الشاعر
اشعار: عبد الرحيم منصور
الحان: منير مراد
الاصدار فى: اسطوانات صوت الفن
السنة: 1972
التصنيف: عاطفى