بتخاصمني حبة وتصالحني حبة
كل شوية تغضب .. كده من غير مناسبة
اهدى يا حبيبي .. اهدى يا حبيبي
هوه الحب لعبة .. ولا الحب لعبة؟
لما حبينا وحسينا بوجودنا
قولتلي يومها النهاردة احنا اتولدنا
والسنة الجاية دي أول عيد ميلادنا
لسه يدوبك ما كملناش سنة
واتخاصمنا وانت الغلطان مش انا
خايفة بكره الحب يهرب مننا
يهرب من عذابنا .. ويضيع من قلوبنا
والآسية صعبة
لما بتخاصمني روحي بتخاصمني
وألقى نفسي تايهة والدنيا تايهة مني
وتيجي تاني تصالحني تاخدني لدنيتي الحلوة
تهنيني.. تفرحني.. تريحني من القسوة
من هنا تصالح وتغضب من هنا
وتخاصمني وانت الغلطان مش انا
خايفه بكره الحب يهرب مننا
يهرب من عذابنا .. ويضيع من قلوبنا
والآسية صعبة
يا حبيبي لما تغضب مني قول
وانا اصالحك في ساعتها على طول
قبل ما يفرح عدو ويشمت عذول
وانا جنبك بعد فرقتنا ليالي
عايشه في احساس غريب ما اعرفش مالي
تايهة .. خايفة .. يجرى تاني اللي جرالي ليالي
خايفة لتصالح وتغضب من هنا
وتخاصمني وانت الغلطان مش انا
خايفه بكره الحب يهرب مننا
يرجع تاني جرحي .. وماتهناش بفرحي
وبعدك عني غربة
غناء: عزيزة جلال - عام 1982