البداية
أمايا يا مايا يا مه
يا خضرة منبتة جوه شقوق الروح يا امه
يا توبي ولحمي وستري وغطايا
يا رغيفي وضليلتي وشمسي وهمسي وندايا
يا ساكنة جوايا في الحتة اللي بيعلى منها ضحكي وبكايا
ابنك الغريب يا مه.. ع درب الغريب يا مه
بتدور جروحه يا مه.. على بيت الطبيب
يا أحن الأطبا عليا يا مه
يا بحر الأمان الواسع اللي مالوش نهاية يا مه
أمايا يا مه
النهاية
خدينى غطيني ودفيني
لميني في عينك لميني
ده انا همي مبكيني
صحيني وسامحيني
يا امي سامحيني
غناء: محمد حمام - المسلسل الاذاعى "الام" 1969