شعراء الاغنية المصرية: العتبة جزاز

نسخة الثلاثى المرح

العتبة جزاز والسلم نايلو فى نايلو

احنا التلاتة ولاد خالة اه ياولا

لا حدانا جيب ولا سيالة اه ياولا

مبنعبرش الرجالة والسلم نايلو فى نايلو

يابت مالك خسيتى اه ياولا

لسه ولا روحتى ولاجيتى اه ياولا

باين عليكى حبيتى والسلم نيلو فى نايلو

العتبة جزاز والسلم نايلو فى نايلو

لحد كوبرى ابو العلا اه ياولا

شيا الله ياسيدى ابو العلا اه ياولا

ياريت حبيبى من هنا

العتبة جزاز والسلم نايلو فى نايلو

يابت يا ست الحتة اه ياولا

كلك حلاوة ادينى حتة اه ياولا

فايتنى لوحدى فى الحتة

العتبة جزاز والسلم نايلو فى نايلو

نسخة عزيزة عمر

العتبه جزاز .. و السلم نايلو فى نايلو

و العتبه جزاز .. و السلم نايلو فى نايلو

الواد .. يا امه تاعبنى

بقى باليومين .. يسيبنى

و بعاده .. بيدوبنى

و غلبت فيه .. الحلو

باين يا امه .. ساحرنى

و بقاله كتير .. هاجرنى

و لا حتى .. بيفتكرنى

و انا لسه .. قلبى شايله

العتبه جزاز .. و السلم نايلو فى نايلو

و العتبه جزاز .. و السلم نايلو فى نايلو

الواد زود .. قساوته

لكن بتزيد .. غلاوته

اه يا امه .. من شقاوته

و غلبت فيه .. الحلو

و احلف .. ما اشوفه تانى

بعد الحلفان .. بثوانى

بنسى كلامى .. و بنسانى

و انا لسه .. قلبى شايله

غناء:

البحث