فلاح كان فايت بيغنى من جمب السور
شافنى وأنا بجمع كم وردة فى طبق بنور
قطع الموال ااه ااه وضحك لى وقال ااه ااه
يا صباح الخيريا صباح الخير
يا اهل البندر
يا صباح النور
على بال ما عينيه التفتوا له
كان عدى وفات
بصيت ولقيت إيدى رايحه له
بتلات وردات
كان بدى اكمل مواله
على نغمه حلوة ابعتهاله
ولا منه استنى ياخد كلمه
ولا منه ساب قلبى فى حاله
يا اهل الله
إيه
حدش شاف جدع أسمر ضله خفيف
له خطوة جريئة ويشبه شهامة اهل الريف
فلاح فلاح
كان أجمل صبح نهار قلبى وعينى ما شافوه
فى براءة قلبه مافيش زيه ولا شفتش أخوه
له سحر بياخدك فى جناحه
وعينيك يشفوه كده يرتاحوا
الفجر يقوم وياه يدعى واليوم يستبشر بصباحه
يا اهل الله
إيه
يا اهل الله أمانة اه لو مرة سلمتوا عليه
تقولوا له واحدة من البندر وحشتها عينيه
وأنا ندر على لو جانى
لاهقول له لا كانى ولا مانى
انا بس هقوله عايزة اسمع
يا صباح الخير منك تانى
يا اهل الله
إيه
حدش شاف جدع أسمر ضله خفيف
له خطوة جريئة ويشبه شهامة اهل الريف
فلاح فلاح
فلاح كان فايت بيغنى من جمب السور
شافنى وأنا بجمع كم وردة فى طبق بنور
قطع الموال ااه ااه وضحك لى وقال ااه ااه
يا صباح الخير يا صباح الخير
يا اهل البندر
يا صباح النور
فلاح
فلاح
غناء: شريفة فاضل ومحمد طه
اشعار: حسين السيد
الحان: منير مراد
الاصدار فى: اسطوانات صوت الفن
السنة: 1964
التصنيف: عاطفى
الحفلات:
غناء: شريفة فاضل ومحمد طه
اشعار: حسين السيد
الحان: منير مراد
الاصدار فى: اسطوانات صوت الفن
السنة: 1964
التصنيف: عاطفى
الحفلات:
- حفل أضواء المدينة بالنادي الرياضي ببني سويف ضمن سهرات شهر رمضان عام 1965
- حفل أضواء المدينة بدار سينما قصر النيل احتفالاً بعيد الفطر المبارك عام 1965
- حفل الإذاعة بالنادي الرياضي بسوهاج عام 1967