بتقول و تعيد لمين
و بتشكي لدا و ده
الناس المغرمين ما يعملوش كده
دول مهما اتألموا بيداروا و يكتموا
و لا يوم يتكلموا و يشمتوا العدا
الناس المغرمين ما يعملوش كده
الناس المغرمين بيكونوا حنينيين و يخافوا على الشعور
الصبر بيخلقوه
و البال بيطولوه
و يشوفوا الضلمة نور
مش زيك يا جميل
لا عتدك بال طويل
و لا بتداري الأمور
و شاكيني لكام عزول
بقى هيا دي الأصول ؟؟
د أنا عندي حق أقول
الناس المغرمين ما يعملوش كده
بتقول و تعيد لمين ما أنا أولى من الغريب و اقرب منه إليك
و مين في الدنيا مين حيكون زيي حبيب و روحه ما بين إيديك
مخلص أنا و أمين ، و أنت أمرك عجيب
و ده كله فايت عليك
و شاكيني لكام عزول
بقا هي دي الأصول ؟
ده أنا عندي حق أقول
الناس المغرمين ما يعملوش كده
الناس المغرمين
غناء: محمد عبد المطلب
اشعار: عبد الوهاب محمد
الحان: كمال الطويل
الاصدار فى: اسطوانات صوت القاهرة
السنة: اقدم تسجيل حفل كان عام 1965
التصنيف: عاطفى
غناء: محمد عبد المطلب
اشعار: عبد الوهاب محمد
الحان: كمال الطويل
الاصدار فى: اسطوانات صوت القاهرة
السنة: اقدم تسجيل حفل كان عام 1965
التصنيف: عاطفى
الحفلات: حفل المسرح الصيفي بالإسكندرية احتفالاً بالعيد الثالث للثورة والعيد القومي للإسكندرية عام 1965