بصراحة بكل صراحة مالقيتش فى حبك راحة
ولاوانت بعيد باطمن ولاوانا وياك مرتاحة
بصراحة بصراحة
من كتر عذابي فى حبك وشقاي وسهدي ليالي
خليتني اخاف وانا جنبك يرجع تاني اللي جرى لى
يا تكون على طول ويايا ياتشوف لعذابي نهاية
بصراحة بصراحة
حبك صبحني دمعة مش عارفة امتى ح تجري
حبك نسانى شمعة بتنور لك طول عمري
دبت محبة واخلاص وخلاص مش قادرة خلاص
بصراحة بصراحة
يا حبيبي يا حبيب قلبي علشانك حبيت حبي
وان كنت ساعات باشكي لك أهو بس كلام من غلبي
أبداً أبداً مش قصدي أعاتبك وبحب قساوة قلبك
بصراحة بصراحة
غناء: فايزة احمد - اسطوانات صوت الفن 1964