ابيض يا وردى - شادية /اشعار/ محمد على احمد

ابيض يا وردى احمر مندى

غصنك فى قدى لونك فى خدى

ابيض لك امارة

فى خدود العذارى

و البيض الامارة

شهدوا لك يا وردى

يا ريحة الحبايب تسعدنا يا وردى

يا ذكرى اللى غايب فى قلوبنا يا وردى

الفرحة فى لونك و الدمع فى عيونك

و الشوك على غصونك بيصونك يا وردى

يا معطر و زاهى فوق غصنك يا وردى

يا ملفوف و ساهى عن حظك يا وردى

يا خوفى يا خالى يا فاتن يا غالى

تعشق و الليالى تغدر بك يا وردى

تشهد عن جراحك اوراقك يا وردى

وتسلم سلاحك و تدبل يا وردى

ابيض يا وردى احمر مندى

غصنك فى قدى لونك فى خدى

ابيض يا وردى
غناء: شادية
اشعار: محمد على احمد
الحان: محمود الشريف
الاصدار : من تسجيلات الاذاعة المصرية
السنة: 1958
التصنيف: عاطفى